ایردوغان بعضی بیر غرب اولکه لرینی آگاهلنتیردی

جمهورباشلیغی رجب طیب ایردوغان اوتگن هفته سویدنده بولووچی ترور تشکیلاتی پی کاکا ایزداشلری تامانیدن اویوشتیریلگن تحریک حرکتلری بیلن تیگیشلی اوله راق؛

"اولر بو وضعیت گه مداخله قیلمه گن تقدیرده سویدن گه قرشی کوره شیمیزنی کوچه یتیریشی ممکن" دیدی.

جمهور باشلیغی ایردوغان، موغلا ولایتیده اویوشتیریلگن یاشلر ییغینیده سوزگه چیقدی.

ایردوغان "اوتگن کونلرده سویدنده خائین تروریستلر وجدانسیز بیر حرکت عملگه آشیردی. بو حدسیز حرکتلر پی کاکا/وای پی دی نینگ او جایده سیقیشگن لیگی طفیلی می؟ یاکی سویدن مقاملری بو حرکتلرگه کوز یومماقده می؟ سوالی گه شو جوابنی بیردی.

"سویدن و فینلند (خزینه ده گی جلسه ده) ناتوگه اعضا بولیب کیریش اوچون بیزگه التماس قیلدیلر. بیراق بیز اولرگه بیرنرسه ایتدیک. "اگر سیز بیزگه تروریستلرنی تسلیم ایتمه گن تقدیرده بیز بونی (ناتو اعضالیگی) نی مجلسدن اوتکزمه یمیز. 100 دن آرتیق 130 اطرافیده (تروریست نینگ) رویخطلرینی هم بیریشینگیز کیره ک، تروریستلرنینگ اوزینی هم بیریشینگیز کیره ک" اولر متاسفانه بونی قیلمه دیلر. بولرنینگ جاده لریگه هردایم پی کاکانینگ نمایشلرینی کورماقده میز و اولرنی هم آگاهلنتیرماقده میز. بیراق برچه آگاهلنتیروولر بولگن حالده افسوسکی پی کاکانینگ پی وای دی نینگ بو نمایشلری توخته تیلیش دیگن نرسه  بولمه دی. سویدن بو وضعیت گه مداخله قیلمه گن تقدیرده سویدن گه قرشی کوره شیمیزنی کوچه یتیریشی ممکن."

ایردوغان جنابلری فقط سویدن و فینلندده ایمس، آلمانده، فرانسه ده و انگلستان ده ترور تشکیلاتلری موجودیتلریگه دوام ایتیب تورگن لیگینی معلوم قیلیب؛

"تورکیه اوله راق بولر (اولکه لرگه) قرشی یانداشوویمیزنی اونگه قره ب تعیین قیله میز" دیب گپیردی.