استانبولده گی پارتلش حادثه سیده قیز باله بیلن آته سی حیاتینی یوقاتدی
استانبولده خائین هجوم اویوشتیریلدی
استانبول استقلال جاده سیده اویوشتیریلگن تروریستیک هجومده 9 یشر قیز باله بیلن آته سی حیاتینی یوقاتدی.
آدانا ولایتی عایله و اجتماعی خذمتلر باشقرووی خادملریدن یوسف میدان و عایله سی استانبول استقلال جاده سیده یورر چاغیده خائینانه هجوم یوز بیرگن.
خوددی شو تروریستیک هجومده اولگنلر ایچیده 9 یشر قیز باله اجرین بیلن 34 یشر آته سی یوسف هم بار.
حادثه ده یره لنگن آنه سی ایسه کسلخانه ده تداوی آستیده...
قیز باله بیلن آته سی آدانا ولایتیده اویوشتیریله دیگن جنازه مراسمی نینگ آرتیدن توپراققه تاپشیریله دی.
عایه و اجتماعی خذمتلر وزیری دریا یانیق اجتماعی ترماق آرقه لی بیرگن بیاناتده،
" استانبولده گی خائینانه هجومدن کیلگن اچیق خبر بیلن یوراگیمیز یاندی. ایش اورتاغیمیز یوسف میدان و قیزی اجرین نی قولدن بیردیک. عایله سی، قرینداشلری و ایش اورتاقلریمیزگه قیغوداشلیک بیلدیره من" دیدی.
علاقه لی ینگی لیکلر
تورکیه ده بیر کونلیک ملی ماتم ایتیب اعلان قیلیندی
کابینه جلسه سیده قبول قیلیب آلینگن اوشبو قرار جمهور باشلیغی ایردوغان تامانیدن بیلدیریلدی