جمهور باشلیغی ایردوغان چک جمهوریتیده بیر قطار اوچره شوو اوتکزدی

جمهور باشلیغی رجب طیب ایردوغان، اروپا سیاسی همجمعیت جلسه سی اوچون تشریف بیورگن چک جمهوریتینینگ پایتختی پراگده بلغاریا جمهور باشلیغی رومن رادوف بیلن اوچره شدی.

پراگ قلعه سیده گی اوچره شوو مطبوعاتگه یاپیق روشده بولیب اوتدی.

جمهور باشلیغی ایردوغان کیین اسپانیا باش وزیری پدرو سنچیز، چک جمهوریتی باش وزیری پتر فیئالا، ارمنستان باش وزیری نیکول پشینیان نی قبول قیلیب اوچره شدی.

شونده ی بولیب ایردوغان اروپا بیرلیگی کینگش باشلیغی اورسولا فون در لاین بیلن هم اوچره شوو اوتکزدی.

تورکیه جمهوریتی جمهور باشلیغی ایردوغان، بو اوچره شوولرنینگ آرتیدن مملکت گه قیتیب کیلدی.