ایردوغان یونان باش وزیرینی قاره له دی

تورکیه جمهور باشلیغی رجب طیب ایردوغان، یونان باش وزیری کیریاکوس میچوتاکیس گه خطاب قیلیب شولرنی ایتدی:

"تورکیه گه قرشی امریکا قوشمه ایالتلریدن یاردم سوره یدی. نیمه قیلسنگ قیل، بیز لازم بولگن نی قیله میز و قیلیش گه تیارمیز" دیدی.

جمهور باشلیغی ایردوغان پایتخت انقره ده اویوشتیریلگن خلق ارا قاریلیک و قرآنکریم نی گوزه ل قرائت قیلیش بیلله شووی مکافات مراسمیده صحبت قیلدی. ایردوغان "تورکیه دیگنده اقتصاد، مدافعه، حربی استعدادلری قاله ویرسه وجدانی، انسانی بحرانلرگه صمیمی یانداشوو کورستگن بیر اولکه ایسگه توشه دی" دیب ایتدی.

ایردوغان "قیزیل بیراق ییلپیره گن هر جایده وطنداشلریمیزنینگ قاله ویرسه او جایده حیات کیچیره یاتگنلر اوچون امنیت و عدالتدن وکالت قیله دی. یوز میلیونلب مظلوم و معصوم نینگ امیدی بولیش نینگ کتته مسؤلیتلرینی حس ایته میز" دیب ایتدی.

ایردوغان جنابلری یونان باش وزیری میچوتاکیس نی قاره لب؛

"یونان کیمه لریدن او معصوم و بیچاره انسانلرنی قنداغ قیلیب ایگه و اورته ییر دینگیزی گه باتیرگن لیکلرینی کورماقده میز. دنیا سیس چیقره دی می؟ یوق. بیزنینگ حربی کیمه لریمیز چاپیب ییتیشه دی و اولرنی دینگیزدن قوتقریب آله دی. چونکه بیز مسلمان میز. مسلمانلیگیمیز ایجاب قیلگن نرسه نی ادا قیله میز. منه ایندی یونان نینگ باش وزیری امریکادن یاردم سوره یدی. تورکیه گه قرشی یاردم سوره یدی. نیمه قیلسنگ قیل، بیز لازم بولگن نی قیله میز و قیلیش گه تیارمیز" دیدی.