جمهوررئیس اردوغان اوکراین لیک کسبداشی زلنسکی بیلن سوزله شدی

جمهوررئیس اردوغان اوکراین لیک کسبداشی زلنسکی بیلن سوزله شدی

اوشبو صحبت تلفن آرقه لی بولیب اوتدی

تورکیه جمهوریتی جمهوررئیسی رجب طیب اردوغان, تلفن آرقه لی, اوکراین جمهوررئیسی ولادیمیر زلنسکی بیلن سوزله شدی. 

جمهوررئیسلیک علاقه باشقرمه سی تامانیدن بیریلگن بیاناتگه کوره, اوشبو صحبتده, 24- فبروری دن بیری دوام ایتیاتگن روسیه- اوکراین اوروشی گه تیگیشلی ینگیلیک لر بهالنتیریلدی. 

اردوغان, اوزاق مدت دن بیری باش قاتیریلیاتگن روسیه- اوکراین اورته سیده اسیر المه شووی بیلن علاقه لی موفقیت قولگه کیریتیلگن لیگی اوچون خرسندچیلیک بیلدیردی. 

اوکراین غله سی نینگ قاره دینگیز آرقه لی صادراتی بوییچه کیلیشوو نینگ عملی بولیاتگن لیگی نی بیلدیرگن اردوغان, بونده ی بیر حرکت نینگ زاپوریژیا هسته ای سنترالی توغریسیده هم عملگه آشیریلیشی نینگ ممکن ایگن لیگی, سنترال تیگره گیده حربی لردن تصفیه ایتیلگن بیر منطقه نینگ قوریلیشی توغریسیده کیره کلی واسطه چیلیک و قولایلشتیروچی طلب لرنینگ قبول قیلینه دیگن لیگی نی بیلدیردی. 

اوکراین نینگ روسیه کنترولیده گی بعضی منطقه لریده بیر تامانلمه اوله راق رفراندوم اوتکزیلیشی نینگ دیپلماتیک پروسه نینگ تیکله نیشی بوییچه سعی و حرکت لرگه ضرر ییتکزه دیگن لیگی نی هم بیلدیرگن جمهوررئیس اردوغان, اوروش نینگ تینچلیک سیور یول لر بیلن اداققه ییتیشتیریلیشی اوچون حصه قوشیش گه تیار ایکن لیک لری نی معلوم قیلدی.