تورکیه نینگ حقاری ولایتیده حربی عملیات اویوشتیریلماقده

تورکیه نینگ حقاری ولایتی قزان و خان یایله سی منطقه سیده بولووچی ترور تشکیلاتی گه قره ته ایرن محاصره -37 عملیاتی باشله تیلدی.

ایچکی ایشلر وزیرلیگیدن بیریلگن یازمه بیاناتده، ترور تشکیلاتی پی کاکانی اولکه نینگ کون ترتیبیدن بوتونله ی چیقریب تشلش و منطقه ده جایلشگن تروریست جنگریلرنی تاثیرسیز وضعیت گه کیلتیریش مقصدی بیلن حقاری ولایتی قزان و خان یایله سی منطقه سیده بولووچی ترور تشکیلاتی گه قره ته ایرن محاصره -37 عملیاتی باشله تیلگن لیگی بیلدیریلدی.

610 ته پرسونل اورین آلگن عملیات نینگ بیرینچی کونیده چقورچه تومنی، قزان وادیسی و خان یایله سی چیکه حدودلریده، ترور تشکیلاتی نینگ قورال و مهمات دیپوسی تاپیب آلینگن لیگی افاده ایتیلدی.

دیپو و پناهگاه نینگ ایچیده آلیب باریلگن قیدیرووده؛ انچه قول بمبی، قورال، مهمات و حیات اسبابلری قولگه آلینگن لیگی معلوم قیلیندی.

عملیات آرقه لی دیپو و پناهگاه یوق قیلینیب تشلنگن لیگی قید ایتیلدی.