تورکیه مدافعه وزیری آذربایجانلیک کسبداشی بیلن سوزله شدی

تورکیه جمهوریتی ملی مدافعه وزیری خلوصی آقر, تلفن آرقه لی, آذربایجانلیک کسبداشی سترجنرال ذاکرحسنوف بیلن سوزله شدی. 

اوشبو توغریده تورکیه جمهوریتی ملی مدافعه وزیرلیگی تامانیدن بیانات بیریلدی. 

بیاناتده, آقر نینگ, آذربایجان و ارمنستان چیگره سیده یوز بیرگن توقنه شوو لر آرتیدن آذربایجانلیک کسبداشی حسنوف بیلن تلفن آرقه لی سوزلشگن لیگی بیلدیریلدی. 

سونگّی وضعیت حقیده معلومات کسب ایتگن خلوصی آقر, توقنه شوو لرده شهید بولگن قهرمان آذربایجان عسکر لری گه الله تعالی دن رحمت و یره لنگن لرگه ایسه عاجل شفا تیلب قالدی. 

صحبتده, ارمنستان نینگ تحریک ایتووچی سیاستی گه عکس العمل کورستگن آقر, تورکیه نینگ هردایم قرداش آذربایجان نینگ یانیده بولگن لیگی و بوندن کیین هم حقلی دعوا لری بوییچه آذربایجان نی قوللب- قوتله یدیگن لیک لری نی معلوم قیلدی.