ایردوغان یونان نی آگاهلنتیردی

جمهور باشلیغی رجب طیب ایردوغان، یونان نینگ سونگگی پیتلرده تورکیه گه قره ته یانداشووینی توشونتیریب بولمه گن لیگینی معلوم قیلیب،

"بیر کیچه آنیدن کیلیشیمیز ممکن" دیب ایتدی.

جمهور باشلیغی ایردوغان، بوسنی هرزگوینا، صربستان و کرواسیا سفریدن قیتیش چاغیده ژورنالیستلرگه بیانات بیردی.

ایردوغان اوزی ایتگن « بیر کیچه آنیدن کیلیشیمیز ممکن» سوزی بیلن علاقه لی اوله راق بیره دیگن پیام نینگ آچیق ایکن لیگینی معلوم قیلدی.

ایردوغان " یونان نینگ سونگگی پیتلرده تورکیه گه قره ته یانداشووینی توشونتیریب بولمه یدی. بیر تاماندن ایگه ده قول اورگن اخلاللری بار، ناتو وظیفه سی دایره سیده اوچیش اجرا ایتگن اوچاقلریمیزگه قره ته راحتسیزلیکلر بار، س-300 لر بیلن رادار تعقیبی قوریش حرکتلری بار. بیزنینگ س-400 لریمیزنی تیلگه آلگنلردن یونان نینگ س-300 لری بیلن تیگیشلی بوگونگچه هیچ بیر نرسه ایشیتمه دیک. س 300 لر هم روسیه نینگ مالی س 400 لر هم روسیه نینگ مالی. بیراق اونگه سیس یوق.

قاشیمیزده گی آراللرنی، آلیب باریلگن کیلیشوولر بیلن کیلتیریلگن غیر عسکری اورنی نینگ ضدیگه قوراللشتیریش گه دوام ایتماقده لر." دیب ایتدی.

امریکا قوشمه ایالتلری نینگ یونانده حربی قونلغه قوریشینی هم تیلگه آلگن ایردوغان، بیرلشگن ملتلر تشکیلاتی عمومی جلسه سیگه بارگنده (20-26 سپتامبر) امریکا قوشمه ایالتلری دولت باشلیغی جو بایدن بیلن بیر اوچره شیش فرصتی تاپیب بو موضوعلرنی تیلگه آله جگینی بیلدیردی.

یونان نینگ دینگیز صلاحیتی دایره سیده ایگه و شرقی اورته ییر دینگیزیده تورکیه گه مجبور قیلماقچی بولگن مکسیمالیست تیزلر هم بولگن لیگینی هم ایتگن ایردوغان جنابلری؛

"بونینگ هم قبول قیلینه دیگن بیر تامانی یوق. تورکیه بیلن توغریدن توغری گپیریش اورنیده بیرلشگن ملتلر تشکیلاتی قاشیده، امریکاامریکا قوشمه ایالتلری قاشیده، اروپا بیرلیگی قاشیده و حتی بیز اینگ کوچلی اعضاسی بولگن ناتونینگ قاشیده بیزنی شکایت ایتیب تهدید ایتماقچی بولیب تورگنلر. بونی البته کی قبول قیلیش ممکن ایمس. اولر قیسی تیلده توشونسه اوتیلده گپیره میز. بیله من کی شولر هم توشونه دی" دیب ایتدی.