ایردوغان: روسیه کم سیته دیگن بیر اولکه ایمس

جمهور باشلیغی رجب طیب ایردوغان، روسیه نینگ کم سیته دیگن بیر اولکه ایمس ایکن لیگینی ایتدی.

جمهور باشلیغی ایردوغان، بالقان سیاحتی نینگ ایککینچیسی بولمیش صربستان نینگ پایتختی بلگرادده کسبداشی الکسندر وچیچ تامانیدن جمهور رئیسلیک سراییده رسمی مراسم آرقه لی کوتیب آلیندی.

ایردوغان و وچیچ نینگ یوزمه یوز و هیئاتلرارا اوچره شوولری نینگ آرتیدن ایککی اولکه اورته سیده 7 ته کیلیشووگه قول قوییلدی.

ایردوغان وچیچ بیلن اویوشتیرگن مشترک مطبوعاتی کنفرانسده، بولیب اوتگن اوچره شوولرده ایککی اولکه اورته سیده گی مناسبت نی کینگ – کولملی تیلگه آلگن لیکلرینی، قاله ویرسه بوسنی هرزگوینده گی ینگی لیکلر بیلن بیر قطارده منطقوی و خلق ارا موضوعلرده فکر المه شووی عملگه آشیرگن لیکلرینی قید ایتدی.

کیملیک بیلن سیاحت موضوعی توغریسیده قول قوییلگن بیتیم نینگ تورکیه – صربستان مناسبتلرینی ینگی بیر سویه گه چیقریشینی تیلگه آلگن ایردوغان جنابلری، صربستان بیلن تجارت حجمی نینگ اوتگن ییل 33 فایز کوپه ییش بیلن 2 میلیارد دالرلیک بیر سویه گه ییتگن لیگینی، شونده ی بولیب بونی 5 میلیارد دالرگه چیقرماقیچ ایکن لیکلرینی بیلدیردی.

اوچره شوولرده تورکیه نینگ بالکانلرده تینچلیک و برقرارلیگی گه بیرگن اهمیت نی تاکییدله گن لیکلرینی معلوم قیلدی. ایردوغان هردایم معمالرنی دیالوگ آرقه لی ییچیلیشینی ممنونیت بیلن قوللب – قوتله گن لیکلرینی افاده ایتدی.

24 فبروریده باشله گن روسیه – اوکراین اوروشینی هم تیلگه آلگن ایردوغان، تورکیه نینگ بو ایککی اولکه اورته سیده هردایم تینگ پولیتیکا آلیب بارگن لیگینی شونده ی بولیب غرب نینگ ایسهد تحریک یانداشووی بیلن سیاست آلیب بارگن لیگینی افاده ایتدی.

غرب نینگ اوکراین گه قورال یاردم ایتیب بیرگن لیگینی بیلدیرگن ایردوغان شولرنی ایتدی:

"قنچه کهنه – پارچه بولسه اونی توتیب اوکراین گه جونتماقده لر" دیب ایتدی.

"روسیه غلبه قازاندی ویا اوکراین غلبه قازاندی دییشیم ممکن ایمس. بیز تیزده روسیه – اوکراین اوروشی یکونلنه دی می؟ دیگن اورونیشده میز.  بیراق بو تیزده یکونلنه دیگن گه اوخشه مه یدی. روسیه نی کیچیک کورگنلرگه ایته من، "خطا قیله سیز. روسیه نینگ کم سیته دیگن بیر اولکه ایمس. نیمه بولدی؟ روسیه گازنی کیسیب تشله دی. اروپاده نرخلرگه تیپه گه چیقدی. ایندی برچه قیغو بیلن بو قیشین نی قنده ی اوتکزه میز دیب قره ب قالگن وضعیتده. بولرنی بوندن آلدین نیمه اوچون اویلب کورمه دینگیز؟ روسیه نینگ قولیده بونچه مهم بیر نرسه بار".