ایردوغان : تروریزم نی منبعیده قوروتماقده میز

جمهور باشلیغی رجب طیب ایردوغان؛

"مقصدیمیز، قوشنیلریمیز و تیگره گیبمیزده تینچلیک و بیردملیک نی تامین ایتیش دیر" دیدی.

جمهور باشلیغی ایردوغان جاندارم و قیرغاق خوفسیزلیک اکادیمیسی باشقرووی فراغت مراسمیده سوز یوروتدی.

تورکیه نینگ ستراتیژیک اهمیتی و جغرافی اورین گه ایگه ایکن لیگینی معلوم قیلگن ایردوغان؛

"افغانستانده دوام ایتیب تورگن ترتیبسیزلیکلر، یمنده توقنه شوولر، سوریه ده ظلم و هجوملر، بالکانلرده تیرمه لب بارگن بحرانلر، قوشنیلر قاله ویرسه کینگ ساحه ده گی بحرانلر تاثیر قالدیرگن اولکه تورکیه دیر....بیز بیت المقدسدن، سوریه دن، یمندن مین گه نیمه دییه آلمه یمیز. بیز بویوک بیر دولت میز" دیب ایتدی.

"بیز هیچ کیم گه قرشی نفرت قیلمه یمیز. مقصدیمیز، قوشنیلریمیز و تیگره گیبمیزده تینچلیک و بیردملیک نی تامین ایتیش دیر" دیدی.

ایردوغان جنابلری "تورکیه نینگ واسطه چیلیک رولینی روسیه – اوکراین اوروشیده اورته گه قویدیک. تورکیه یوتوقلری بیلن مطرح بولماقده دیر. تروریزم نینگ ایشیگیمیزگچه کیلیشینی کوتیب تورمه ی منبعیده تاثیرسیز وضعیت گه کیلتیرماقده میز. تورکیه نینگ اوپراسیون ساحه سینی سوریه دن عراق گچه کینگه یتیردیک" دیب گپیردی.