ایردوغان بیلن پاهور مشترک مطبوعاتی کنفرانس اویوشتیردی

جمهور باشلیغی رجب طیب ایردوغان، "(سلوانیا بیلن) دوستلیک و ستراتیژیک اورتاقلیک اساسیده گی بیردملیگیمیزنینگ، تورکیه نینگ اروپا بیرلیگی گه اعضالیگی قاله ویرسه تورلی ساحه ده تاباره کوچه ییب باریشی گه ایشانه من" دیدی.

جمهور باشلیغی ایردوغان رسمی سفر آرقه لی تورکیه گه تشریف بیورگن سلوانیا جمهور باشلیغی بوروت پاهور بیلن یوزمه یوز اوچره شوو، هیئاتلرارا اوچره شوولر و کیلیشوولرگه قول قوییش مراسمی نینگ آرتیدن مشترک مطبوعاتی کنفرانس اویوشتیردی.

جمهور باشلیغی رجب طیب ایردوغان، تورکیه بیلن سلوانیا اورته سیده گی دیپلوماتیک مناسبتلرنینگ تاسیس ایتیلیشی نینگ 30 - ییل لیگینی نشانله گن لیکلرینی معلوم قیلیب اوچره شوولریده اوزارا مناسبتنی کینگ – کولملی تیلگه آلگن لیکلرینی بیلدیردی. شونده ی بولیب همکارلیک نینگ اقتصادی، تجارت، صنایع، بیلیم، تکنالوجی، ترانسپورت بیلن بیر قطارده تورلی ساحه ده قولگه کیریتیلگن یوتوق طفیلی خرسندچیلیک لرینی اورغوله گن لیکلرینی بیان ایتدی.

ایردوغان شولرنی ایتدی:

"تورکیه – سلوانیا اورته سیده گی دوستانه مناسبتلر و همکارلیک، منطقوی تینچلیک که و برقرارلیک که کتته حصه قوشه دی.

دوستلیک، متفقلیک و ستراتیژیک اورتاقلیک اساسیده آلغه بارگن بیردملیگیمیزنینگ کیلگوسی باسقیچده تورکیه نینگ اروپا بیرلیگی گه قتنشیش جریانی و تورلی ساحه ده تاباره کوچه یشی گه ایشانه من."

سلوانیا جمهور باشلیغی پاهور ایسه ایردوغان بیلن اوزارا اقتصادی همکارلیک نی تیلگه آلگن لیکلرینی معلوم قیلیب اوزارا مناسبتده ییچیلمه گن هیچ بیر قیینچیلیک یوق، دیب ایتدی.

"هم سیاسی هم اقتصادی همده ایریم ساحه لرده اورنیک بوله دیگن بیر مناسبتیمیز بار" دیدی.

سلوانیا جمهور باشلیغی روسیه بیلن اوکراین اورته سیده 24 فبروریده باشله گن اوروش گه تماس قیلیب شولرنی ایتدی:

"بو اوروش کوتیلگندن کوپ دوام ایتگن تقدیرده بحران جنوبگه، غربی بالکانلرگه ییره شی ممکن" دیدی.