تورکیه نینگ ازمیر ولایتیده یوزلب قاچقین قوتقریب آلیندی

تورکیه نینگ ازمیر ولایتی اورله تومنی دینگیز ساحه سیده قیرغاق خوفسیزلیک کوچ لری یونان تامانیدن تورکیه حدود لری گه هیده ب یوباریلگن 146 نفر قاچاق مهاجرنی قوتقریب آلدی. 

قیرغاق خوفسیزلیک قومندانلیگی تامانیدن بیریلگن بیاناتده، اورله تومنی دینگیز ساحه سیده قوتقروو عملیاتی اویوشتیریلگن لیگی بیلدیریلدی.

دینگیز ساحه سیده گی پلاستیک قَییقده یونان کوچلری تامانیدن هیده ی یوباریلگن لیگی تثبیت ایتیلگن 44 نفر قاچقین بیلن پلاستیک قَییغی بوزیلیب قالگن 52 ته قاچقین نینگ قوتقریب آلینگن لیگی معلوم قیلیندی.

چیلگه قیشلاغیده یاردم سوره گن 3 ته قاچقین و اوزون آداده بند بولیب قالگن لیکلری تثبیت ایتیلگن 47 ته قاچقین قیرغاق خوفسیزلیک کوچلری نینگ تیک اوچری آرقه لی قوتقریب آلیندی.

اوشبو قاچقینلر رسمی ایشلری نینگ آرتیدن ازمیر ولایتی قاچقینلر اداره سی گه تاپشیریلگن لیگی معلوم قیلیندی.