سوریه ده ایککی نفر تورک حربیسی شهید بولدی

سوریه ده تورکیه قوراللی کوچلری تامانیدن آلیب باریلگن فرات قلقانی عملیاتی منطقه سیده تروریست جنگریلر تامانیدن اوزیلگن اوق عاقبتیده 2 ته تورک عسکری نینگ شهید بولگن لیگی بیلدیریلدی.

تورکیه جمهوریتی ملی مدافعه وزیرلیگی تامانیدن بیریلگن یازمه بیاناتده فرات قلقانی عملیاتی منطقه سیده توناون کونی بولووچی ترور تشکیلاتی منسوبی تروریست جنگریلر تامانیدن حربی مرکزگه اوزیلگن اوق عاقبتیده تانک پرسونلی مولود یوغورتچی بیلن مرد اوتال نینگ یره لنگن لیگی معلوم قیلیندی.

خوددی شو حادثه نیبنگ آرتیدن اوشبو 2  نفرتورک عسکری نینگ کسلخانه گه انتقال بیریلگن لیگی بیراق کسلخانه ده شهید بولگن لیگی بیلدیریلدی.

مذکور بیاناتده "بیزنی چقور قیغو و الم گه چومگن بو حادثه ده حیاتینی یوقاتگن عزیز شهیدلریمیزگه الله تعلی دن مغفرت، عایله لری، تورکیه قوراللی کوچلری قاله ویرسه اصیل ملتیمیزگه قیغوداشلیک، صبر و چیدم تیله یمیز" دییلدی.