ایردوغان 15 جولای ییل لیگی مناسبتی بیلن پیام ترقه تدی
15 جولایده مقدس یوتوق قولگه کیریتیلگن لیگینی ایتدی
جمهور باشلیغی رجب طیب ایردوغان فتونینگ 2016 – ییلی 15 جولایده گی تونتروو تشبثیده اورته گه قوییلگن شرفلی مقاومت بیلن اشغالچیلرگه یول بیریلمه گن لیگینی، شونده ی بولیب مقدس یوتوق قولگه کیریتیلگن لیگینی معلوم قیلدی.
ایردوغان "15 جولای روحیه سینی دوام ایتتیریب، تورکیه عشقی اوچون تینمه ی اورونیش گه دوام ایته میز" دیب ایتدی.
جمهور باشلیغی ایردوغان نینگ 15 جولای دموکراسی و ملی بیردملیک کونی مناسبتی بیلن تیگیشلی تورکچه و انگلیسچه پیامی بوگون بعضی بیر گزیته لرده نشر قیلیندی.
تورکیه عشقی اوچون اورگن یوراکلرنینگ 2016 ییلی 15 جولایده ترور تشکیلاتی فتونینگ تونتروو تشبثی آرقه لی اشغال گه قول اوروشی گه قرشی کوچلی بیر کوره ش بیریب تاریخ یازگن لیگینی تاکییدله گن ایردوغان پیامیده شولرگه اورین بیردی:
"دولت و ملت اوله راق قورقمه ی، ییقیلمه ی شانه به شانه اورته گه قویگن شرفلی مقاومت بیلن اشغالچیلرگه یول بیرمه دیک، ینه بیر مقدس یوتوق قولگه کیریتدیک. او کونی کیچه شرفلی و بویوک قهرمانلیک بیلن وطنی گه، بیراغی گه، مستقل لیگی گه و اراده سیگه صاحب چیققن ملتیم نینگ برچه فردینی سلامله یمن. برچه شهیدلریمیزنی رحمت بیلن یاد ایتیب، غازیلریمیزگه ساغلیک و بردملیک تیله یمن. 15 جولای روحیه سینی دوام ایتتیریب، تورکیه عشقی اوچون تینمه ی اورونیش گه دوام ایته میز" دیب ایتدی.
علاقه لی ینگی لیکلر
تورکیه تشقی ایشلر وزیری پاکستان گه تشریف بیوردی
تورکیه - پاکستان تشقی ایشلر وزیرلری اوزارا اوچره شوو اوتکزدی