ایردوغان ملیزیا باش وزیرینی رسمی مراسم آرقه لی کوتیب آلدی

جمهور باشلیغی رجب طیب ایردوغان ملیزیا بیلن بیرگه لیکده واکسین ایشلب چیقریش اورونیشلری ایچیده ایکن لیکلرینی ایتدی.

جمهور باشلیغی ایردوغان رسمی سفر آرقه لی تورکیه گه تشریف بیورگن ملیزیا باش وزیر اسماعیل صبری یعقوب نی رسمی مراسم آرقه لی کوتیب آلدی.

ایککی کسبداش هیئاتلرارا اوچره شوولرنینگ آرتیدن کیلیشوولرگه قول قوییش مراسمی گه اوتدی.

تورکیه بیلن ملیزیا اورته سیده مدافعه صنایعی، صنایع و تکنالوجی، ساغلیک، علاقه و میدیا ساحه سیده 7 ته کیلیشووگه قول قوییلدی.

یوزمه یوز اوچره شوو و کیلیشووگه قول قوییش مراسمی نینگ آرتیدن ایردوغان بیلن یعقوب مشترک مطبوعاتی کنفرانس اویوشتیردی.

جمهور باشلیغی ایردوغان یعقوب بیلن ایککی اولکه اورته سیده بیردملیک نی کوچه یتیریش توغریسیده کیلیشیب آلگن لیکلرینی تیلگه آلدی.

ایردوغان "(ینگی تور کروناویروس «کوید-19» گه قرشی ایشلب چیقریلگن) وطنی و ملی واکسینیمیز تورکواک نینگ ملیزیاده ایش آلینیشی، واکسین تکنالوجیسی ترانسفری و بیرگه لیکده واکسین ایشلب چیقریش نی ریجه له ماقده میز" دیدی.

اوچره شوولرده کون ترتیبیده گی گلوبال موضوعلر اوستیده هم باش قاتیرگن لیکلرینی تاکیدله دی ایردوغان جنابلری.

"شو چوکاتده اسلام عالمی بیلن تیگیشلی بولگن روحینگا و اسلام دشمن لیگی کبی مسئله لرنی تیلگه آلدیک. بیرلشگن ملتلر تشکیلاتی، اسلام بیرلیگی تشکیلاتی و د8 (رواجلنگن 8 اولکه؛ تورکیه، بنگلدیش، نصر، اندونزیا، ایران، ملیزیا، نایجریا و پاکستان) کبی جایلرده بیردملیگیمیزنی کوچه یتیریب اینیقسه دوام ایتیریلیشی بوییچه قرارلی بولگنیمیزنی تاکییدله دیک. تورکیه اوله راق آسیا تشبثلریمیز بیلن ایککی تامان قازانه دیگن یانداشوویمیز بو آسیاده گی برچه قرداشلریمیز بیلن همکارلیک نی کوچه یتیریش اوچون اورونماقده میز" دیب ایتدی.