تورکیه مالی ده اویوشتیریلگن هجوم نی قاره له دی
اوشبو توغریده تورکیه جمهوریتی تشقی ایش لر وزیرلیگی تامانیدن بیانات بیریلدی
تورکیه, مالی نینگ باندیاگارا منطقه سیده اویوشتیریلگن و 132 کیشی نینگ حیاتی نی یوقاتیشی گه سبب بولگن ترورچیلیک هجومی نی قاره لب چیقدی.
تورکیه جمهوریتی تشقی ایش لر وزیرلیگی تامانیدن بیریلگن بیاناتده, "بو منفور هجوم نی قتتیق قاره لرایکن, حیاتی نی یوقاتگن کیشی لرنینگ عایله لری, دوست و قرداش مالی خلقی گه چقور قیغوداشلیک بیلدیریب, یره لنگن کیشی لر گه ایسه عاجل شفا تیلب قاله میز" دییه قید ایتیلدی.
توناون مالی حکومتی تامانیدن بیریلگن بیاناتده, 18- جون کیچه سی, باندیاگارا منطقه سیده گی بانکاس تومنی گه باغلیق دیاویلی, دیالاساگو و دیگوساگو قیشلاق لریده مغرف القاعده سی گه عاید ماسینا حرکتی ترور تشکیلاتی تامانیدن هجوم اویوشتیریلگن لیگی و اوشبو حادثه عاقبتیده 132 نفر عادی اهالی نینگ حیاتی نی یوقاتگن لیگی معلوم قیلینگن ایدی.
مالی جمهوررئیسلیگی تامانیدن بیریلگن بیاناتده ایسه خوددی شوو حادثه سببلی 3 کونلیک ملی ماتم اعلان ایتیلگن لیگی بیلدیریلگن ایدی.
علاقه لی ینگی لیکلر
تورکیه – بیرلشگن عرب امیرلیکلری قوراللی کوچلری قومندانلری اوزارا اوچره شوو اوتکزدی
اوشبو اوچره شوونینگ پایتخت انقره ده بولیب اوتگن لیگی بیلدیریلدی
استانبول هوا قونلغه سی اروپاده بیرینچی بولدی
اروپا هوا سیر و سفر خوفسیزلیگی تشکیلاتی تامانیدن موضوع بوییچه راپور ترقه تیلدی