تورکیه مدافعه وزیری خلوصی آقر بروکسل گه تشریف بویوردی

تورکیه جمهوریتی ملی مدافعه وزیری خلوصی آقر, ناتو مدافعه وزیرلری ییغیلیشیده اشتراک ایتیش اوچون بلجیم پایتختی بروکسل گه تشریف بویوردی. 

اوشبو دایره ده آقر, دستلب ناتو دایمی نماینده لیگی بیلن تورک حربی نماینده لیگی نی کوریب چیقدی. 

آقر, خوددی شوو ییرنینگ اوزیده قیلگن معروضه سیده, جمهوررئیس رجب طیب اردوغان باشچیلیگیده خلق ارا مقیاسده اهمیتلی بیر اولکه گه ایلنگن تورکیه نینگ, اولکن یوتوق لر قولگه کیریتگن لیگی نی معلوم قیلدی. 

آقر, فرقلی سبب لر بیلن حاضرگی دور نینگ حساس ایکن لیگی نی معلوم قیلرایکن, تورکیه نینگ مدافعه و خوفسیزلیگی و ناتو اتفاقی نینگ فعالیت لری دایره سیده گی ایش لر بوییچه جدی حساسیت کورسه تیلیشی کیره ک ایکن لیگی نی بیلدیردی. 

عینی دمده آقر, ناتو قرارگاهی نینگ ایشیگیده ناتو مدافعه وزیر لری نینگ ییغیلیشی نینگ بیر بولیمیده اشتراک ایته دیگن اوکراین مدافعه وزیری الکسی رزنیکوف بیلن صحبت ایتدی.