ایردوغان غرب عالمینی قتّیق قاره له دی

جمهور باشلیغی رجب طیب ایردوغان؛

"غرب نینگ سیاستی گه ایشانیب بولمه یدی" دیدی.

جمهور باشلیغی ایردوغان، آلدینگی کونگی وان ولایتی گه قیلگن سفری چاغیده یاشلر بیلن اوچره شدی.

بو جایده گی صحبتیده یونانده قوریلگن حربی قونلغه لرنی ایسله تیب شولرنی ایتدی.

4 ته و 5 ته حربی قونلغه لر قوریلدی. بو حربی قونلغه لرنی نیمه اوچون قوردینگیز دیگنده بیرگن جوابلری "روسلر اوچون" دیب ایته دیلر.  خوف "روسلرگه قرشی" دیب ایته سیز ده روسلرگه قرشی اوکراین گه نیمه قیلدینگیز، اوکراین نینگ یانیده بولدینگیز می، اوکراین گه یاردم بیردینگیز می؟ همه نرسه لری یالغان. بو غرب گه ایشانیب بولمه یدی. غربدن علم و صنعت آلسنگ بوله دی، لیکن سیاست گه غرب گه ایشانیب بولمه یدی. بولر بیزنی اروپا بیرلیگی اوچون 1963 ییلیدن بیری چلغیتیب تورگنلر. قچان باشله دی؟ 1959 ییلی باشله دی بیراق اوگوندن بیری چلغیته دیلر. نیمه اوچون؟ بولر یالغانگه اورگنیب کیتگن، توغری ایمس بولر، توغریلیک بیزنینگ ملتده بار" دیب ایتدی.