اردوغان پوتین بیلن سوزله شدی
اوشبو صحبت تلفن آرقه لی بولیب اوتدی
تورکیه جمهوریتی جمهوررئیسی رجب طیب اردوغان, تلفن آرقه لی روسیه جمهوررئیسی ولادیمیر پوتین بیلن سوزله شدی.
اوشبو توغریده جمهوررئیسلیک ارتباط لر باشقرمه سی تامانیدن بیانات بیریلدی.
بیاناتده, اوشبو صحبتده, تورکیه بیلن روسیه اورته سیده گی مناسبت لر دن تشقری, روسیه- اوکراین اوروشی داخل منطقه مقیاسیده گی مسئله لر باره سیده سوز یوریتیلگن لیگی بیلدیریلدی.
اردوغان, روسیه بیلن اوکراین اورته سیده تینچلیک نینگ اورنه تیلیشی اوچون قیسقه بیر مدت مابینیده شرایط نینگ تامین ایتیلیب, اوروش نینگ منفی تاثیری نی اینگ پس گه توشیره دیگن و ایشانچ گه سبب بوله دیگن قدم لرنینگ تشله نیشی کیره ک ایکن لیگی نی معلوم قیلدی.
جمهوررئیس اردوغان, تامان لرنینگ اوز ارا کیلیشیب آلیشی تقدیرده, استانبولده روسیه, اوکراین و بیرلشگن ملت لر تشکیلاتی بیلن بیر آره گه کیلیش و احتمالی بیر نظارت میکانیزمیده رول آلیش گه تیار ایکن لیک لری نی بیلدیردی.
سوریه ده بولووچی ترور تشکیلاتی پ.ک.ک/ وای پی جی نینگ تورکیه و سوریه لیک ملکی لر گه قره تیلگن هجوم لری نینگ دوام ایتیاتگن لیگی نی بیلدیرگن جمهوررئیس اردوغان, میلادی 2019- ییل اکتوبر آییده گی کیلیشوو ده اورین آلگن تورکیه چیگره سیدن 30 کیلومتر ایچکریده تروریزم دن تصفیه ایتیلگن بیر منطقه نینگ تشکیل ایتیله آلمه گن لیگی, بو منطقه لرنینگ امنیت بیر وضعیت گه کیتیریلیشی نینگ ضروری ایکن لیگی نی معلوم قیلدی.
