ایردوغان یونان باش وزیرینی قتّیق قاره له دی

جمهور باشلیغی رجب طیب ایردوغان یونان باش وزیری کیریاکوس میچوتاکیس نی قتّیق قاره له دی.

ایردوغان "بیز وعده سیگه تورگن، شرفلی سیاستچیلر بیلن یولگه چیقه میز" دیب ایتدی.

ایردوغان جنابلری "ایندی مین اوچون میچوتاکیس دیگن بیر کیشی یوق" دیب گپیردی.

جمهور باشلیغی ایردوغان کابینه جلسه سی نینگ آرتیدن بیانات بیردی.

بیرگن بیاناتده یونان موضوعی بوییچه سوز یوروتدی.

ایردوغان "فتح الله چی ترور تشکیلاتی اعضالری نینگ اروپاگه کیتیش گذرگاهی شو وقت یونان ایمس می؟ شو وقت یونانده 10 ته (امریکا) مرکزی بار. بو مرکزلر یونانده نیمه اوچون قوریلماقده؟ شو وقت اروپا اولکه لریگه 400 میلیارد یورو قرضدار بولگن بیر یونان بار. اولر بیلن (استانبولده مارچ آییده) اوچره شدیک. بو اوچره شووده اورته میزگه اوچونچی اولکه لرنی کیریتمه یلیک دیب کیلیشیب آلدیک" دیب گپیردی.

یونان باش وزیر نینگ اوتگن هفته امریکا قوشمه ایالتلریگه قیلگن سفرینی ایسله تیب اوتگن ایردوغان "سناتوده تورکیه گه قرشی نیمه کیره ک بولسه قیلدی. شونده ی بولیب ف-16 لرنی تورکیه گه بیرمنگ دیب امریکاگه تاکیید قیلدی" دیدی.

جمهور باشلیغی "ف-16 لر توغریسیده امریکا قوشمه ایالتلری میچوتاکیس نینگ آغزیگه قره ب قرارینی بیرمه یدی" دیب ایتدی.

ایردوغان "یونان بیلن ستراتیژیک کینگشی جلسه سی اوتکزماقچی ایدیک. ایندی مین اوچون میچوتاکیس دیگن بیر کیشی یوق. او بیلن بونقه بیر اوچره شوو اوتکزیشنی اصلا قبول ایتمه یمن. ایندی او اویله سین" دیب ایتدی.