جمهور باشلیغی ایردوغان بیرلشگن عرب امیرلیکلریگه سفر قیلیب باردی

جمهور باشلیغی رجب طیب ایردوغان بیرلشگن عرب امیرلیکلری دولت باشلیغی و ابوظبی امیری شیخ محمد زاید آلنهیان بیلن اوچره شدی.  

بیرلشگن عرب امیرلیکلری دولت باشلیغی شیخ خلیفه بن زاید آلنهیان اوتگن جمعه کونی حیاتینی یوقاتگندی.

جمهور باشلیغی ایردوغان ابو ظبی امیری شیخ محمد بن زاید آلنهیان بیلن تیلفون آرقه لی سوزلشیب قیغوداشلیک بیلدیرگندی.

قیغوداشلیک و فاتحه اوچون بیرلشگن عرب امیرلیکلریگه سفر قیلیب بارگن جمهور باشلیغی ایردوغان نی ابوظبی خلق ارا قونلغه سیده بیرلشگن عرب امیرلیکلری نینگ ینگی دولت باشلیغی محمد بن زاید آلنهیان کوتیب آلدی.

ایردوغان قونلغه ده آلنهیان بیلن یوزمه یوز اوچره شوو اوتکزیب سابق دولت باشلیغی شیخ خلیفه بن زاید آلنهیان نینگ اولیمی باعث قیغوداشلیک بیلدیردی.