دنیا نینگ تنیقلی یاش لری نینگ اشتراکی بیلن NEXT by TRT World Forum بولیب اوتدی

میلادی 2017- ییلدن بیری دنیا نینگ مهم خلق ارا مسئله لری نی کون ترتیبی گه کیتیرگن تی آرتی ورلد فورم نینگ یاش لر گه خاص فعالیتی دن عبارت بولگن " NEXT by TRT World Forum " اوز ساحه سیده متخصص دنیا بویلب مشهور کیشی لر و کوپلب یاش لرنینگ اشتراکی بیلن زورلو اجرا صنعت لری مرکزیده بولیب اوتدی.  مینگلب کیشی نینگ اشتراک ایتگن ییغیلیشده تکنالوژی دن متاورس, NFT دن فضا توریزمی گه قدر کوپلب مسئله لر حقیده بحث ایتیلدی. 

میلادی 2017- ییلدن بیری بولیب اوتیاتگن و دنیا نینگ مهم مسئله لری باره سیده بحث ایتیلیاتگن تی آر تی فورم تامانیدن, اوز ساحه سیده تنیقلی ژورنالیست لر, اکادمسین لر, نادولت تشکیلات لرنینگ نماینده لری نینگ سیس لری نی ایشتتیریب فکر المه شگن بیر ییغیلیش بولیب اوتدی.  14- می شنبه کونی زورلو اجرا صنعت لری مرکزی ده بولیب اوتگن " NEXT by TRT World Forum " آرقه لی اوز ساحه سیده متخصص کیشی لر یاش لر بیلن اوچره شیب کیله جک نینگ شکلله نیشی بوییچه یاش لرنینگ کوچی و اهمیتی حقیده بحث ایتدی لر. 

تی آر تی عمومی رئیسی سوباجی: "نیکست, یاش لر و کیله جک نی بیر آره گه کیتیرگن بیر ییغیلیش"

"متاورس و میدیا: تکنالوژی نینگ اینگ سونگّی حالی ژورنالیزم گه قنده ی تاثیر قالدیره دی؟" ییغیلیشی گه اشتراک ایتگن و یاش لر بیلن بیرگه ییغیلیش نی تجربه قیلگن تی آر تی عمومی رئیسی محمد زاهد سوباجی, یاش لر گه قره ته بیرگن بیاناتیده, "نیکست یاش لر و کیله جک نی بیر آره گه کیتیرگن بیر ییغیلیش.  یاش لر و کیله جک بیر آره گه کیلگنده اونگه مطلق صورت اوچینچی اصطلاح نینگ قوشیمچه قیلینیشی کیره ک؛ او هم امید اصطلاحی دن عبارت.  اصلیده دنیا نینگ عمومی وضعیتی گه قره گنده معما لرنینگ حاکم ایکن لیگی نی کورماقده میز.  بیز بو معما لرنی ییچیش اوچون ایریم قرار قیلیش پروسه لری نی اویلب, مشوره پلاتفرم لری تشکیل ایتیش گه حرکت قیلماقده میز, لیکن بیر نرسه نی ایسدن چیقارماقده میز.  او ایسه مهم بیر منبع بولگن یاش لر دن عبارت.  شوباعث یاش لر گه اهمیت بیریش اوچون نیکست نی ترتیب له دیک.  زیرا یاش لرنینگ طبیعتیده ینگیلیک, خیال قوریش, ینگی فکر و دینامیزم بار.  بو دینامیزم و ینگی فکرلر نی مسئله لرنینگ ییچیلیشی بوییچه پروسه گه کیریتمس لیگینگیز تقدیرده, حاضرگی کونده گی معما لرنینگ حل ایتیلیشیده قیینه له سیز.  شوباعث بیز بو ییغیلیشنی  آلدینگی نسل گه کوره تکنالوژی دن جوده یخشی فایده له نه دیگن یاش لر اوچون اوتکزدیک, تی آر تی ورلد فورم دایره سیده یاش لر نی پروسه نینگ بیر بولگی گه ایلنتیریش نی خواهله دیک"

جلسه لرده "اوزگریش و رواجله نیش باره سیده بحث ایتیلدی

سیاره میز نینگ مسئله لریدن فضا توریزمی, تکنالوژی نینگ رواجله نیشی دن جمعیت نینگ آرقه گه کیتیشی و شوو وقت نینگ اوزیده استفاده ایتیله دیگن محتوا لردن ایش شکل لری گه قدر کوپلب سئوال و مسئله لر حقیده بحث ایتیلگن " NEXT by TRT World Forum " گه تورکیه و دنیا دن اوز ساحه سیده متخصص یاش لر اشتراک ایتدی. 

دنیا نینگ اوزگریشیده اینیقسه یاش لر نینگ اهمیتی گه دقت قره تیلگن ییغیلیشده "فعال وطنداشلیک" بوییچه بحث ایتگن کیشی لردن بیری SosyalBen خیریه موسسه سی نینگ اساسچیسی ایجه چیفتچی دن عبارت بولدی.  "یاش لر صفتیده اوز اولکه لری میز اوچون نیمه ایسته سک دنیا اوچون هم اونی ایسته ماقده میز" دیگن چیفتچی" همکارلیککه" دقت قره تدی. 

دنیا نینگ بیرینچی متاورس آژانسی نینگ اساسچی لری جان یورداقل, فیصل یو- کی, سارا الجمال و بیگم آیدین اوغلی ایسه متاورس نینگ ینگی دنیا نینگ شکلله نیشی بوییچه قنده ی بیر تاثیرگه ایگه ایکن لیگی حقیده گی ییغیلیش گه اشتراک ایتدی.  متاورس بیلن چیگره لرنینگ یوق بولگن لیگی و دنیا نینگ کینگ بیر وضعیت گه کیلگن لیگی نی معلوم قیلگن تیم, یاش لرنینگ اوشبو ساحه بوییچه قنده ی فعالیت یوریتیاتگن لیگی باره سیده هم معلومات بیردی. 

اقلیم بحرانی حقیده گی "سیاره اوچون سیسینگنی چیقار: یاش لرنینگ اقلیم حرکتی" جلسه سی ایسه برچه اشتراکچی لر تامانیدن کتته قیزیقیش بیلن تعقیب ایتیلدی.  جلسه ده معروضه قیلگن یاش اقلیم فعالی خیه باستیدا, "کتته لرنینگ کوز لری گه قره گنیمده اولر گه, 'کیله جگیمدن قورقماقچی ایمس من' دیماقچی من.  میلادی 2050- ییلده 1,2 میلیون اقلیم مهاجری نی کوریش نی خواهله میمن. دنیا نینگ 90 فایزی نینگ یشش ممکن بولمه گن بیر جای دن عبارت ایکن لیگی نی کورماقچی ایمس من" دییه قید ایتدی.  خوددی شوو جلسه نینگ اوزیده معروضه قیلگن نشاط شافی ایسه "عرب یاش لر اقلیم حرکتی نی باشله تیشی میز نینگ سببی, منطقه ده گی یاش لرنینگ سیسی نی ایشتتیریش دن عبارت.  بعضاً خلق ارا مقیاسده گی اقلیم حرکتی نینگ فقط گینه آق لر گه مخصوص ایکن لیگی نی اویله یمن.  میدیا هردایم غرب ده گی اقلیم کنفرانسی گه اهمیت بیرماقده" دییه قید ایتدی. 

یاش لرگه NFT دن متاورس گه قدر کوپلب تجربه تقدیم ایتیلدی

اساسی ساحه لرده بولیب اوتگن ییغیلیش لردن تشقری, یان ساحه لرده هم کوپلب جلسه لر بولیب اوتدی. NFT دن دیجیتال گرافتی گه, خاص مهمان لرنینگ معروضه سیدن مجازی حقیقت لر گه قدر کوپلب جلسه لرنی تجربه قیلگن یاشلر, NEXT by TRT World Forum بیلن بیر بیر لری, ملی و خلق ارا مقیاسده گی موسسه لر بیلن علاقه قوریش امکانیتی گه ایگه بولدی.