تورکیه مدافعه وزیری لیبریالیک کسبداشی بیلن اوچره شدی

تورکیه جمهوریتی ملی مدافعه وزیری خلوصی آقر, لیبریالیک کسبداشی دانیال دی زیانکاهن بیلن اوچره شدی. 

آقر, زیانکاهن نی توناون انقره ده ملی مدافعه وزیرلیگی ده حربی مراسم بیلن کوتیب آلدی. 

کیین ایکله وزیر اورته سیده یکّه مه یکّه اوچره شوو بولیب اوتدی. 

اوچره شووده ایکله اولکه اورته سیده گی مناسبت لر و منطقه مقیاسیده گی مدافعه و خوفسیزلیک موضوع لری باره سیده فکر المه شیلدی. 

عینی دمده اوچره شووده ایکله اولکه اورته سیده حربی تعلیم و اوشبو ساحه بوییچه همکارلیک میزانی نینگ آرتیریلیشی حقیده سوز یوریتیلدی. 

بوندن تشقری اوچره شووده فتح الله چی ترورچی تشکیلاتی گه قرشی کوره ش بوییچه همکارلیک باره سیده هم بحث ایتیلگن لیگی بیلدیریلدی.