جمهوررئیس اردوغان بیره م مناسبتی بیلن بعضی اولکه لرنینگ رهبرلری بیلن سوزله شدی

تورکیه جمهوریتی جمهوررئیسی رجب طیب اردوغان رمضان هییت بیره می مناسبتی بیلن تلفن آرقه لی کوپلب اولکه لرنینگ رهبر لری بیلن سوزله شدی. 

اوشبو توغریده تورکیه جمهوریتی جمهوررئیسلیک ارتباط لر باشقرمه سی تامانیدن بیانات بیریلدی.

بیاناتده, جمهوررئیس اردوغان نینگ, قزاقستان جمهوررئیسی قاسم جومرت توکایف, قیرغیزستان جمهوررئیسی صدر جپاروف, تورکمنستان جمهوررئیسی سردار بیردی محمدوف و تاجیکستان جمهوررئیسی امانعلی رحمان بیلن سوزلشگن لیگی بیلدیریلدی. 

صحبت لرده, اردوغان و رهبر لرنینگ بیر بیر لری گه رمضان هییت بیره می مناسبتی بیلن تبریک بیلدیرگن لیک لری معلوم قیلیندی.

جمهوررئیس اردوغان بیره م نینگ آلدین هم بعضی رهبر لر بیلن سوزلشگن ایدی.  اردوغان نینگ, اوشبو مناسبت بیلن, تلفن آرقه لی, آذربایجان جمهوررئیسی الهام علی اف, شمالی قبرس تورک جمهوریتی جمهوررئیسی ایرسین تاتار, ایران جمهوررئیسی ابراهیم رئیسی, اوزبیکستان جمهوررئیسی شوکت میرضیایف, کویت امیری شیخ نواف الاحمد الجابر الصباح, نایجریا جمهوررئیسی احمد بخاری, بیرلشگن عرب امیرلیک لری ابوظبی ولیعهد شهزاده سی محمد بن زاید آل نهیان, لبنان باش وزیری نجیب مقیاتی, پاکستان باش وزیری شهباز شریف و عراق باش وزیری مصطفی الکاظمی بیلن سوزلشگن لیگی بیلدیریلگن ایدی. 

صحبت لرده, اردوغان و رهبر لرنینگ بیر بیر لری گه رمضان هییت بیره می مناسبتی بیلن تبریک بیلدیرگن لیک لری معلوم قیلینگن ایدی.

عینی دمده اسرائیل جمهوررئیسی اسحق هرتزوگ هم جمهوررئیس اردوغان گه قونغیراق قیلیب بیره م مناسبتی بیلن تبریک بیلدیرگن ایدی.