تورکیه ده آنزاک کورفزی

بیرینچی دنیا اوروشی نینگ اینگ مهم جبهه لریدن بیری بولگن چنق قلعه گیلیبولو یریم ارالی ده گی بیر کورفز نینگ آنزاک دیب ناملنگن لیگی نی بیله سیز می؟

آنزاک کورفزی, تورکیه ده, چنق قلعه نینگ گیلیبولو یریم ارالیده کیچیک بیر کورفز دن عبارت.  لیکن اوشبو کورفز آسترالیالیک لر اوچون کتته اهمیت گه ایگه.  زیرا, میلادی 1915- ییل 25- اپریل کونی آنزاک قول اردوسی اوشبو کورفز نی اوزی اوچون قومانده مرکزی دیب قبول قیلگن. 

حاضرگی کونده آسترالیا و نیوزیلند تامانیدن هر ییل اوشبو کورفز ده ایسلش مراسم لری اوتکزیلماقده.  هر 25- اپریل ده بو ییر گه کیلگن مینگلب آنزاک نبیره سی خوددی شوو ییر نینگ اوزیده حیاتی نی یوقاتگن بابا لری نی ایسله یدی.  آنزاک کورفزی اسمی هم, میلادی 1985- ییل 25- اپریل ده گی آنزاک کونیده, رسمی اوله راق قبول قیلیندی.  تانگ پیتی قویاش چیقمسدن سوو گه کیریب قوریقلیک تامان یوریدیان یاش آنزاک نبیره لری, بابا لری نینگ نیمه لر حس ایتگن لیگی نی توشینیب انگلش گه حرکت قیله دی. آنزاک کورفزی ده گی بو مراسم آرتیدن لون پاین یادگارلیگی تامان حرکت قیله دیگن آنزاک نبیره لری, خوددی شوو ییرنینگ اوزیده حیاتی نی یوقاتگن بابالری اوچون دینی مراسم ترتیب له یدی.  لون پاین, یعنی یالغیر قَره غَی, اسمی نی, آسترالیالیک عسکر لرنینگ میلادی 1915- ییل 25- اپریلده گی اوروش جریانیده کتته بولگن لیگی نی کورگن یالغیز قره غی درختی دن آلگن. 

بیر عصردن آرتیق بیر مدت نینگ اوتگن بولیشی گه قره مسدن, یوزلب آسترالیا لیک, نیوزیلند لیک و تورک نینگ بیر آره گه کیلیب قولدن بیریب قویگن بابا لری نی ایسلش لری جوده هم معنی لی.  اوروش صحنه سیدن پیدا بولگن کتته بیر دوست لیک حکایتی نینگ سمبولی دن عبارت بو...