روسیه و اوکراین تشقی ایش لر وزیرلری تورکیه ده اوچره شدی

روسیه و اوکراین تشقی ایش لر وزیرلری سرگی لاوروف بیلن دیمیترو کولبا, تورکیه واسطه چیلیگیده تورکیه نینگ انتالیا شهریده اوچره شدی.

شونده ی قیلیب تورکیه جمهوریتی تشقی ایش لر وزیری مولود چاووش اوغلی, لاوروف و کولبا نینگ اشتراکی بیلن اوچ تامانلمه بیر ییغیلیش بولیب اوتدی. 

تورک تامانی نینگ, بیرینچی باسقیچده اوکراین ده قالووچی بیر آتشکیسین نینگ اورنه تیلیشی اوچون سعی و حرکت قیلگن اوشبو ییغیلیش آرتیدن بیرینچی بولیب دیمیترو کولبا بیانات بیردی. 

کولبا, بیر ساعت گه یقین دوام ایتگن اوشبو ییغیلیش جریانیده آتشکیسین بوییچه بیر آلغه سیلجیش نینگ بحث موضوعی بولمه گن لیگی نی بیلدیردی. 

اوشبو اوچره شوو اوچون سعی و حرکت قیلگن چاووش اوغلی گه منتدارچیلیک بیلدیرگن کولبا, بوگون هر قنده ی بیر موفقیت قولگه کیریتیلمه گن بولسه هم, اولکه سیده گی اوروش نینگ اداققه ییتیشیتریلیشی اوچون بو مذاکره لرنی دوام ایتتیره دیگن لیگی نی معلوم قیلدی. 

لاوروف ایسه, اوکراین بحرانی نینگ اساسی نی تشکیل ایتیاتگن معما لرنینگ ییچیلیشی اوچون هر خیل تشبث لرنی قوللب- قوتلیاتگن لیک لری نی معلوم قیلرایکن, هیچ بیر تشبث نینگ مذاکره نینگ اورنی نی آلمه یدیگن لیگی نی بیلدیردی. 

اوشبو ییغیلیشده اوکراین ده عادی اهالی گه ضرر ییتمس لیگی اوچون نیمه لرنینگ قیلینیشی کیره ک ایکن لیگی باره سیده بحث ایتگن لیک لری نی بیلدیرگن لاوروف, انسان لرنینگ چیقیشی اوچون یوللر نینگ آچیلیشی بوییچه طلب لری نی تکرارله گن لیک لری نی معلوم قیلرایکن, اینگ موثر و خوفسیز یوللر باره سیده بحث ایتگن لیک لری نی ایسله تیب اوتدی.

اوکراین بحرانی نینگ بوتونله ی ییچیلیشی نی طلب ایتیاتگن لیک لری نی بیلدیرگن لاوروف, بونینگ تامان لرنینگ منفعت لری نینگ نظرده توتیلیشی کیره ک ایکن لیگی نی معلوم قیلدی.

لاوروف, اولکه سی گه قره تیلگن تحریم لر توغریسیده ایسه, "تحریم لر مسئله سی نی غرب لیک لر گه باغلیق بولمسدن ییچه میز.  شونده ی تدبیر لر آله میز که باشقه هیچ قچان بونده ی وضعیت گه دچار بولمه یمیز" دییه قید ایتدی.