تورکیه تشقی ایشلر وزیری اوکراین – روسیه بحرانی بوییچه بیر قطار سوزلشوو اوتکزدی

تشقی ایشلر وزیری مولود چاووش اوغلی روسیه – اوکراین بحرانی حقیده تیلفون سوزلشوولری اوتکزماقده.

چاووش اوغلی بیرلشگن ملتلر تشکیلاتی باش کاتبی انتونیئو گوتریز بیلن تیلفون آرقه لی سوزلشدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده بو سوزلشووده اوکراینده گی انسانی وضعیت و آتشکیسین تامین ایتیلیشی خصوصلری نینگ تیلگه آلینگن لیگی بیلدیریلدی.

چاووش اوغلی اوکراین تشقی ایشلر وزیری دیمیترو کولبا، استونی تشقی ایشلر وزیری ایوا ماریئا لیمتس و هالند تشقی ایشلر وزیری وپکی هوکسترا بیلن علیحده علیحده تیلفون آرقه لی سوزلشوو اوتکزدی.

کولبا بیلن بولگن سوزلشوو حقیده کینگ معلومات بیریلمه دی. بیراق لیمتس و هوکسترا بیلن بولگن سوزلشوولرده اوکراین ده گی سونگگی وضعیت تیلگه آلینگن لیگی معلوم قیلیندی.  

روس حربیلری 24 فبروریده اوکراین گه هجوم اویوشتیرگندی.