آلتون تورکیه نینگ ناتوگه اعضالیگی نینگ 70 - ییل لیگیده اویوشتیریلگن پروگرامده سوز یوروتدی

جمهور رئیسلیک علاقه باشقرمه سی باشلیغی فخرالدین آلتون ناتونینگ کیلگوسیده هم دنیا سیاستیده همده اعضا اولکه لرنینگ خوفسیزلیک توقعلریگه بوگونگچه بولگنیدن کوپراق حصه قوشیشینی کوتگن لیکلرینی ایتدی.

آلتون علاقه باشقرمه سی تامانیدن تورکیه نینگ ناتوگه اعضالیگی نینگ 70 – ییل لیگی دایره سیده پایتخت انقره ده اویوشتیریلگن اوزگرووچن دینامیک و اوزاق مدتلی اتفاق: تورکیه بیلن 70 ییلدن بیری کوچلیراق" پروگرامی نینگ آچیلیش دستوریده سوز یوروتدی.

آلتون ناتونینگ فقط اتلانتیک نینگ ایککی تامانینی بیرلشتیرووچی بیر اتفاق ایمس عیندمده امریکا قاره سیدن آسیا نینگ چیگره سیگچه ییره ب بارگن 30 متفقی بولمیش کوچلی خلق ارا بیر تشکیلات ایکن لیگی گه دقت قره تدی.

آلتون تورکیه نینگ ناتودن و متفقلریدن بیر قطار توقعلری بولگن لیگینی ایتدی.

آلتون "ناتو اروپاده گی برقرارلیک که حصه قوشگن حالده چیگره سیده گی برقرارسیزلیک که هم ییچیم تاپیش گه یاردم ایتیشی کیره ک دیر. فقط 10 ییل دوامیده سوریه ده یوز بیرگنلر اروپا و دنیا مقیاسیده معما منبعی بولدی. بو منطقه ده یوزه گه چیققن کوچ و تروریزم کبی مسئله لر ینگی باسقیچ نینگ تیزلیک بیلن ییچیم تاپیشی شرط بولگن معمالر دیر" دیدی.

تورکیه نینگ سوریه ده داعش و پی کاکا کبی انچه ترور تشکیلاتی گه قرشی کوره شیش گه مجبور بولیب قالگن لیگینی تاکییدله گن آلتون جنابلری تورکیه نینگ بو کوره شده ناتو متفلریدن کمک بیریلمه گن لیگینی ایتدی.  

آلتون "اوکراین قنداغکی ناتونینگ کمکینی حق ایتگن بولسه افغانستان و افغانستانده گی القاعده قنداغ ناتو اوچون بیرینچی اورینده تورگن بولسه؛ سوریه ده گی تروریزم گه قرشی کوره ش و سوریه ایچکی اوروشیده برقرارسیزلیک یراتگن ترور تشکیلاتلری نینگ و تشقی کوچلرگه اره شیش هم خوددی شو درجه ده ناتونینگ کون ترتیبیده بولیشی کیره ک ایدی و کیره ک" دیدی.

تورکیه نینگ 70 ییلدن بیری دوست و متفقلریگه ایشانچلی بیر شریک ایکن لیگینی انچه مرته کورستگن لیگینی معلوم قیلدی.

آلتون " ناتونینگ کیلگوسیده هم دنیا سیاستیده همده اعضا اولکه لرنینگ خوفسیزلیک توقعلریگه بوگونگچه بولگنیدن کوپراق حصه قوشیشینی آرزو قیله میز" دیب ایتدی.