اردوغان: اوروپا ده سونگگی 19 ییلده اوقیتووچی لر معاشینی اینگ کوپ آشیرگن اولکه تورکیه

تورکیه جمهوریتی جمهوررئیسی رجب طیب اردوغان, "ینگی تور کرونا ویروس (کووید 19) پاندمی سی نینگ سبب بولگن قیین چیلیک لر گه قره مسدن تعلیمی فعالیت لری نی اولکه بویلب اوزلوکسیز دوام ایتتیره آله دیگن بیر نیچه اولکه دن بیری بولدیک" دییه قید ایتدی. 

اردوغان, پایتخت انقره ده بیش تپه ملت کنگره و فرهنگ مرکزی ده 15 مینگ اوقیتووچی نینگ تعین له نیشی بوییچه بولیب اوتگن مراسمده اشتراک قیلدی. 

جمهوررئیس اردوغان, "2021-2022 تعلیمی ییل نی پاندمی گه قره مسدن موفقیت بیلن اوتکزدیک.  یوزمه یوز درس اوتکزیلگن بیر نیچه اولکه دن بیری بولدیک" دییه قید ایتدی.

اردوغان, اوز سوز لری نی, "دنیا نینگ کوپلب اولکه لری موجود اوقیتووچی لری نی اسره ب قاله آلمس ایکن, بیز ینگی اوقیتووچی لر آلیش گه دوام ایتدیک.  بوگونگی تعین لر بیلن بیرگه سونگگی 19 ییلده 729 مینگ 487 اوقیتووچی نی تعین قیلگن وضعیتده میز" شکلیده دوام ایتتیردی. 

تورکیه نینگ هر اوقیتووچی نینگ درس بیریشی کیره ک بولگن اوقووچی سانی جهتی دن اقتصادی رواجله نیش و همکارلیک تشکیلاتی رقم لری بیلن بیر خیل ایکن لیگی نی بیلدیرگن اردوغان, "اوقیتووچی لری میز نینگ مالی حق لری نینگ یخشی لشتیریلیشی بوییچه هم مهم موفقیت لر قولگه کیریتدیک.  اوروپا ده سونگگی 19 ییلده اوقیتووچی لر معاشینی اینگ کوپ آشیرگن اولکه تورکیه" دییه قید ایتدی.