تورکیه افغانستان گه قیغوداشلیک بیلدیردی

تورکیه، افغانستان نینگ بادغیس ولایتیده یوز بیرگن ییر قیمیرلش حادثه سیده حیاتینی یوقاتگنلر اوچون قیغوداشلیک بیلدیردی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده، افغانستان نینگ غربیده جایلشگن بادغیس ولایتیده یوز بیرگن ییر قیمیرلش حادثه سیده تلفات یوز بیرگن لیگی، انچه کیشی نینگ یره لنگن لیگی و ییر قیمیرلش نینگ اوی – جایلرگه زیان ییتکیزگن لیگی خبری ییتیب کیلگن لیگی بیلدیریلدی.

بیاناتده شولرگه اورین بیریلدی:

"ییر قیمیرلش حادثه سیده حیاتینی یوقاتگنلرنینگ عایله لریگه قاله ویرسه دوست و قرداش افغانستان خلقی گه قیغوداشلیک بیلدیرر ایکن یره لنگنلرگه عاجل شفا تیله یمیز. تورکیه نینگ هردایم بولگندیک تورلی بشری یاردم ییتکیزیب بیریلیشیده تیار ایکن لیگینی بیلدیره میز" دییلدی.  

امریکا قوشمه ایالتلری جیولوجیک تیکشیروو مرکزی تامانیدن بیریلگن بیاناتده ییر قیمیرلش نینگ مرکزی نینگ بادغیس ولایتی نینگ مرکزی قلعه نو شهری نینگ 41 کیلو متر شرقیده ایکن لیگینی معلوم قیلینگندی.

حلی گچه 22 کیشی حیاتینی یوقاتگن ییر قیمیرلش حادثه سی منطقه سیده قیدیروو – قوتقروو فعالیتلری دوام ایتماقده.