جمهوررئیس اردوغان آلبانیا گه تشریف بویوره دی

تورکیه جمهوریتی جمهوررئیسی رجب طیب اردوغان, ایرته گه (17- جنوری) آلبانیا گه تشریف بویوره دی. 

جمهوررئیس اردوغان نینگ, آلبانیا باش وزیری ایدی راما نینگ دعوتی گه بناً اوشبو اولکه گه تشریف بویوره دیگن لیگی بیلدیریلدی. 

بولیب اوته دیگن اوچره شوولرده, ستراتیژیک همکارلیک سویه سیده گی تورکیه- آلبانیا مناسبت لری باره سیده بحث ایتیلرایکن, همکارلیک نینگ چقورلشتیریلیشی بوییچه تشله نه دیگن قدم لر حقیده سوز یوریتیله دی. 

عینی دمده اوچره شوولرده, منطقه و خلق ارا مقیاسده گی مسئله لر باره سیده هم بحث ایتیله دیگن لیگی بیلدیریلدی. 

اردوغان نینگ اوشبو سفری دایره سیده, میلادی 2019- ییلده آلبانیا ده یوز بیرگن ییر قیمیرلش حادثه سی عاقبتیده اوی لری نی قولدن بیریب قویگن عایله لر اوچون تورکیه تامانیدن لاچ شهریده قوریلگن تورر جای لرنینگ تاپشیریلیشی بوییچه بیر مراسم هم بولیب اوته دی. 

جمهوررئیس اردوغان, تیران ده تورک همکارلیک و کوردیناسیون آژانسی (تیکا) تامانیدن قیته قوریلگن ادهم بیک جامع مسجدی نی افتتاح قیلیب, آلبانیا پارلمانی ده معروضه قیله دی.