تورکیه دن بنگلدیش گه قیغوداشلیک بیلدیریلدی

تورکیه یولاوچی کیمه سیده یوز بیرگن یانغین حادثه سی عاقبتیده حیاتینی یوقاتگنلر اوچون بنگلدیش گه قیغوداشلیک بیلدیردی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده شولرگه اورین بیریلدی:

"بنگلدیش نینگ پایتختی داکانینگ 250 کیلومتر جنوبیده جایلشگن جلوکتهی شهریده بوگون ایرته لب یوز بیرگن کیمه یانغینی حادثه سیده 30 دن آرتیق کیشی نینگ حیاتینی یوقاتگن 100 دن آرتیق کیشی یره لنگن اچیق خبر ییتیب کیلدی" دیب ایتیلدی.

یانغینده حیاتینی یوقاتگنلرگه الله تعلی دن مغفرت عایله لریگه صبر تیلنگن.

بیاناتده "دوست و قرداش بنگلدیش خلقی و حکومتی گه یوراکدن قیغوداشلیک بیلدیره میز" دییلدی.

اولکه نینگ جنوبیده جایلشگن سوگاندا دریاسیده بیر یولاوچی کیمه سیده ایرته لب یانغین یوز بیرگن لیگی دستلبکی معلوماتگه کوره 38 کیشی نینگ حیاتینی یوقاتگن لیگی بیلدیریلگندی.