تورکیه نینگ سابق واشنگتن بویوک ایلچیسی ارمنستان گه فوق العاده نماینده ایتیب تعیین قیلیندی

تشقی ایشلر وزیری مولود چاووش اوغلی تورکیه نینگ سابق واشنگتن بویوک ایلچیسی سردار قیلیچ نینگ ارمنستان فوق العاده نماینده سی ایتیب تعیین قیلینیشینی خبر قیلدی.

چاووش اوغلی بیرلشگن عرب امیرلیکلریده گی سفریدن قیتیشی نینگ آرتیدن مطبوعاتگه بیانات بیردی.

ایردوغان نینگ بیرلشگن عرب امیرلیکلریگه سفری بیلن تیگیشلی فعالیتلرنینگ باشله گن لیگینی معلوم قیلگن چاووش اوغلی "حرمتلی جمهور باشلیغیمیزنینگ سفری توغریسیده 14-15 فبروری اوچون پلان ریجه له ماقده میز. بوگون مخاطبلریمیز بیلن هم گپیردیک" دیب ایتدی.

چاووش اوغلی ارمنستان بیلن نورماللشیش توغریسیده ایککی تامانلمه اولمیلی بیاناتلر بیریلگن لیگینی تاکییدله دی.

چاووش اوغلی "بیز آذربایجان بیلن هر موضوعده مصلحتلشماقده میز و آذربایجان گه خبر بیریب بعضی بیر آدیملر آتماقده میز. هیچ کیم آذربایجاندن بی خبر ویا علیحده حرکت قیلیشیمیزنی توشونمه سین. بیر ملت ایککی دولت میز. بولر اولیملی نرسه لر دیر و برچه میزگه فایده سی بوله دی" دیدی.

چاووش اوغلی ایشانچ نی مستحکملش اوچون آدیملر آتیلیشی کیره ک لیگینی اورغولب شولرنی ایتدی:

"بیر تاماندن آذربایجان بیلن ارمنستان اورته سیده ایشانچ نی مستحکملش اوچون آدیملر آتیلماقده. باشقه تاماندن بیز هم اوز اورته میزده آذربایجان – ارمنستان اورته سیده گی ایشانچ نی مستحکملشتیرووچی آدیملر بیلن حرکت قیلیشنی مناسب کوردیک. حرمتلی جمهور باشلیغیمیزنینگ هم مناسب کوریشلری بیلن سابق واشنگتن بویوک ایلچیمیز سردار قیلیچ نی فوق العاده نماینده ایتیب تعین قیله میز" دیب افاده ایتدی.