لیبیا ده آلیب قاچیریلگن 7 نفر تورک وطنداشی قوتقریلدی

لیبیا نینگ شرقیده اساسسیز ادعا لر بیلن آلیب قاچیریلگن 7 نفر تورک وطنداشی, تورکیه جمهوریتی استخبارات اداره سی نینگ قطر استخباراتی بیلن مشترک روشده آلیب بارگن فعالیت لری نتیجه سیده قوتقریلدی. 

اوشبو تورک وطنداش لری تقریباً 2 ییلدن بیری آلیب قاچیرگن کیشی لرنینگ قولیده ایدی. 

تورکیه جمهوریتی تشقی ایش لر وزیرلیگی و ملی استخبارات اداره سی نینگ سعی و حرکتی و قطر استخباراتی نینگ حصه قوشیشی نتیجه سیده اوشبو 7 نفر تورک وطنداشی قوتقریلیب تورکیه گه کیتیریلدی. 

تورکیه جمهوریتی جمهوررئیسی رجب طیب اردوغان قوتقریلگن اوشبو تورک وطنداش لری بیلن تلفن آرقه لی سوزله شدی.

خوددی شوو کیشی لر تورکیه جمهوریتی دولتی نینگ اولرنینگ قوتقریلیشی اوچون قیلگن سعی و حرکت لری سببلی جمهوررئیس اردوغان گه منتدارچیلیک بیلدیردی. 

جمهوررئیس اردوغان هم, خوددی شوو کیشی لرنینگ قوتقریلیب تورکیه گه کیتیریلیشی بوییچه سعی و حرکت قیلگن کیشی لر گه تشکر بیلدیردی.