روسیه نینگ سوچی شهریده اردوغان بیلن پوتین اورته سیده گی اوچره شوو باشله دی

روسیه نینگ سوچی شهریده تورکیه جمهوریتی جمهوررئیسی رجب طیب اردوغان و روسیه دولت رهبری ولادیمیر پوتین اورته سیده گی اوچره شوو باشله دی.   

جمهوررئیس اردوغان, اوشبو اوچره شووده بیرینچی دن تل رفعت و منبج ده گی ترور تشکیلاتی پ.ک.ک نینگ موجودیتی گه دقت قره ترایکن, آستانه کیلیشوو لری گه اویغون بیر شکلده تروریزم نینگ یوق قیلینیشی کیره ک ایکن لیگی نی اورغوله یدی. 

عینی دمده جمهوررئیس اردوغان, روسیه نینگ کنترولی آستیده گی منطقه لردن سونگگی پیتلرده تورکیه گه قره تیلگن هجوم لر بوییچه راحت سیزلیک نی روسیه تامانی گه بیلدیریب اوشبو هجوم لرنینگ آلدینی نینگ آلینیشی نی طلب ایته دی. 

اوچره شووده ادلب و سوریه دن ینه مهاجر لرنینگ کیلیشی بوییچه معما, لیبیا و افغانستان مسئله لری توغریسیده هم بحث ایتیلیشی کوتیلماقده. 

بوندن تشقری اوچره شووده تورکیه بیلن روسیه اورته سیده گی مناسبت لر حقیده هم بحث ایتیله دی. 

تورکیه جمهوریتی ملی استخبارات اداره سی نینگ باشلیغی خاقان فیدان, جمهوررئیسلیک ارتباط لر ریاستی نینگ باشلیغی فخرالدین آلتون و جمهوررئیسلیک سوزچیسی ابراهیم قلین اوشبو سفریده جمهوررئیس اردوغان بیلن همراه لیک قیلماقده.