چاووش اوغلی افغانستانلیک مهاجر لر توغریسیده مهم بیانات لر بیردی

تورکیه جمهوریتی تشقی ایش لر وزیری مولود چاووش اوغلی, تورکیه گه تشریف بویورگن هالندلیک کسبداشی سیگرید کاگ بیلن انقره ده اوچره شدی. 

اوچره شوو آرتیدن ایکله وزیر اورتاق مطبوعاتی کنفرانس ترتیب له دی لر. 

چاووش اوغلی, تورکیه بیلن اوروپا بیرلیگی اورته سیده گی (2016) مهاجرت کیلیشووی توغریسیده,  'بروکسل بیلن انقره اورته سیده مذاکره لر موجود.  3 میلیارد یورولیک ینگی بیر پیشنهاد بحث موضوعی.  تورکیه بو پیشنهاد بیلن قیزیقه دی می؟' سئوالی گه جواب قیتردی. 

اوشبو سئوال گه جواب قیترگن چاووش اوغلی, "افغانستانلیک لر توغریسیده, بیز پول بیره یلیک افغانستانلیک لر سیزده تورسین, کیلمه سین دیگن بیر گپ بولسه, بو همکارلیک دن عبارت بولمه یدی.  سوریه لیک لر نینگ اوز یورت لری گه یوباریلیشی داخل کوپلب موضوع نی قمره دیگن کیلیشوو نی ینگی لشی میز کیره ک" دییه قید ایتدی. 

چاووش اوغلی اوشبو توغریده اوز سوز لری نی, "نتیجه ده اجتماعی و سیاسی بیر معما دن عبارت.  اوروپا بیرلیگی نینگ بونینگ بسیط یول لر بیلن ییچیلیشی نینگ ممکن ایکن لیگی توغریسیده گی مفکوره سی دن واز کیچیشی کیره ک" شکلیده دوام ایتتیردی.