تورکیه تشقی ایشلر وزیری افغانستان بوییچه مهم بیانات بیردی

تورکیه تشقی ایشلر وزیری مولود چاووش اوغلی خلق ارا همجمعیت نینگ افغانستان توغریسیده بیرلیک و بیردملیک ایچیده حرکت ایتیشی کیره ک لیگینی ایتدی.

صربستان نینگ پولیتیکا گزیته سیگه بیر بیاناتده افغانستانده طالبان نینگ اقتدارنی قولگه کیریتیب آلیشی گه تماس قیلگن چاووش اوغلی شولرنی ایتدی:

"افغانستانده ایندی ینگی بیر حقیقت بار. ایندی افغانستانده تینچلیک، حضور و برقرارلیک نینگ تیکله نیشی گه ماسلنیشیمیز کیره ک. اولاً خلق جان و مال خوفسیزلیگی نینگ قوریقلنیشی اوچون سیاسی کمچیلیک که فرصت بیرمسلیک کیره ک. شو دایره ده شونده ی بولیب برچه افغانستانلیکلرنینگ اوزلرینی هم اوز ایچی گه آلگن لیگینی حس ایتتیرووچی بیر باشقروو ایجاد ایتیلیشینی خواهله یمیز. اوتمیشده گی خطالردن پند آلیب کینگ فکر بیلن حرکت قیلیش، افغانستانده دایمی تینچلیک برقرار بولیشی گه حصه قوشه دی" دیب ایتدی.

چاووش اوغلی افغانستانده اولاً القاعده و داعش قاله ویرسه برچه ترور تشکیلاتلری نینگ قیته دن اویه قویمس لیگی کیره ک لیگینی معلوم قیلیب طالبان تامانیدن بیریلگن تعهدلرنینگ عملی قیلینیشی نینگ مهم ایکن لیگینی بیان ایتدی.

افغانستانده گی تروریست گروپلرنینگ کوپه یشی نینگ منطقوی برقرارلیک اوچون سلبی تاثیراتی بولیشینی ایتدی.

"ایشانچسیز بیر فضا کوچ دالغه سیگه سبب بولیشی ممکن. بناً خلق ارا همجمعیت نینگ افغانستان توغریسیده بیرلیک و بیردملیک ایچیده حرکت ایتیشی کیره ک. نفوس نینگ یرمی عاجل انسانی یاردم گه مهتاج وضعیتده. خلق ارا همجمعیت نینگ یاردم و کمک اورونیشلرینی کوپه یتیریشی کیره ک" دیب گپیردی.

چاووش اوغلی تورکیه نینگ افغانستانده کینگ کولملی بیر حکومت قوریلیشی گه، اولکه ده تینچلیک و برقرارلیک فضاسی نینگ یوزه چیقیشی گه حصه قوشیش گه تیار ایکن لیکلرینی معلوم قیلیب شولرنی ایتدی:

"بو ملاحظه لر بیلن کابل ده بویوک ایلچی لیگیمیزنینگ فعالیتلریگه دوام ایتیشی ریجه لنماقده. بیراق طالبان نینگ طلبی گه بناً کابل قونلغه سی نینگ آچیلیب فعالیت قیلیشی اوچون تخنیکی کمک بیریلیشی بوییچه اوچره شوولر آلیب بارماقده میز" دیدی.