افغانستاندن چیقیش جریانی باشلنگن بیرینچی گروپ تورک حربیسی پایتخت انقره گه ییتیب کیلدی

افغانستانده گی وظیفه سینی یوتوقلی بیر شکلده بجرگن تورک حربیلری تورکیه گه قیتیب کیلیش گه باشله دی.

ملی مدافعه وزیرلیگی افغانستانده وظیفه ده بولگن محمدچیک نینگ اوز اولکه سیگه قیتیب کیلیشیدن خبر بیرگندی.

تورک وطنداشلری نینگ اولکه دن تخلیه قیلیش جریانی نینگ اداغگه ییتیب باریشی نینگ آرتیدن کابل حامد کرزی خلق ارا قونلغه سیده وظیفه آلیب باراتگن محمدچیک نینگ تخلیه قیلیش جریانی باشلندی.

تورک هوا کوچلری گه باغلیق نقلیه اوچاغی آرقه لی کابل دن پاکستان نینگ پایتختی اسلام آباد گه بارگن تورک قوراللی کوچلری عنصرلری بو جایدن تورک هوا یوللری اوچاغی آرقه لی پایتخت انقره گه قره ب جونه دی.

ایچیده 345 یولاوچی بولمیش اوچاق بوگون ساعت 11:45 ده انقره ایسن بوغه قونلغه سیگه کیلیب قوندی.

ملی مدافعه وزیری خلوصی آقر  افغانستانده بیریلگن وظیفه نی یوتوقلی بیر شکلده بجا کیلتیرگن مِحمِدچیک نینگ افغانستاندن تخلیه قیلیش گه باشلنگن لیگینی معلوم قیلیب افغانستاندن انتقال بیریش فعالیتلری نینگ اینگ قیسقه مدتده اداغگه ییتکیزیش نی مقصد قیلیب آلگن لیکلرینی ایتگندی.

تورکیه افغانستانده گی خلق ارا خوفسیزلیک یاردم کوچلری (آیساف) دایره سیده 2020 ییلی جون آییده عسکرلرینی بو اولکه گه جونتگندی.

1 مینگ 400 حربیدن عبارت تورک کوچی ایچیده کابل قونلغه سینی باشقریب قوریقله گن هوا کوچلری پرسونلی هم بار.

طالبان 15 آگستده پایتخت کابل نینگ کنترولینی قولگه آلگونچه اولکه ده گی چیت ایللک عسکر، دیپلومات و نادولت کیشیلرنینگ بو جایدن چیقیش جریانی باشلنگندی.