تورکیه افغانستانلیکلر اوچون پناهنده لیک مرکزی قوریلیشی بوییچه ادعالرنی رد ایتدی

تورکیه جمهوریتی تشقی ایشلر وزیرلیگی تامانیدن انگلستان مطبوعاتیده افغانستانلیک قاچقینلر بیلن تیگیشلی بیریلگن خبرلرده تورکیه نینگ اشاره قیلینیشی گه قرشی بیانات بیریلدی.

مذکور بیاناتده انگلستان مطبوعاتیده افغانستانلیک قاچقینلر بیلن تیگیشلی بیریلگن خبرلرده "تورکیه ده پناهنده لیک مرکزی قوریلیشی ریجه لنگن لیگی" بوییچه خبرلرنینگ ناتوغری ایکن لیگی معلوم قیلیندی.

"بوگونگچه هیچ بیر اولکه دن بیزگه بونقه بیر رسمی طلب ییتیب کیلمه گن دیر. بونقه بیر طلب کیلگن حالده بونی قبول قیلیشیمیز ممکن ایمس دیر" دیب افاده ایتیلدی.

انگلستان مدافعه وزیری بین والاس تامانیدن دی میل آن ساندی گزیته سیده نشر بولگن مقاله ده افغانستانده اوزلری اوچون فعالیت قیلگن بعضی بیر افغانستانلیکلرگه ویزه ایشلری اجرا ایتیلگونچگه قدر بعضی بیر اولکه لرده کمپ مرکزلری قوریش نی ریجه له گن لیکلرینی بیان ایتگندی.  

دی میل آن ساندی، مقاله ده اولکه آتی بیریلمه گن حالده اوزی تامانیدن بیریلگن خبرده والاس نینگ گپلریگه اشاره قیلیب تورکیه و پاکستان نینگ آتلرینی بیررکن بعضی بیر انگلیس نشرات ارگانلری هم بو خبرگه تماس قیلگندی.