تورکیه مطبوعاتیدن خلاصه لر 20.08.2021

حریت روزنامه سی, تورکیه جمهوریتی جمهوررئیسی رجب طیب اردوغان نینگ, کابینه ییغیلیشی آرتیدن بیرگن بیاناتیده, 6- سپتامبر کونی مکتب لرنینگ باشله یدیگن لیگی نی بیلدیررایکن, "حاضرگه چه ایملنمه گن اوقیتووچی و باشقه پرسونل نینگ کمیده هفته ده ایککی مرته پی سی آر تستی قیلیشی نی طلب ایته میز.  اوچاققه مینه دیگن, شهر لر ارا یولاوچیلیک قیله دیگن, کنسرت و سینما گه باره دیگن کیشی لر اوچون پی سی آر تستی مجبوری بوله دی" دییه قید ایتگن لیگی نی معلوم قیلماقده.

خبرتورک روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, طالبان نینگ کابل نی قولگه کیریتیشی آرتیدن افغانستانده قوریله دیگن ینگی حکومت نینگ تن آلینیشی توغریسیده بیرگن بیاناتیده, "حقیقت دن هم کینگ کولملی بیر حکومت نینگ قوریله دیگن لیگی یاکه قوریلمه یدیگن لیگی نی کوریشی میز کیره ک.  خلق ارا جامعه بیلن بیرگه حرکت قیله میز" دییه قید ایتگن لیگی گه دقت قره تماقده. 

ینی شفق روزنامه سی, چک جمهوریتی نینگ, افغانستانده گی پرسونل نی چیقاریش بوییچه همکارلیک قیلگن لیگی اوچون اینیقسه تورکیه گه منتدارچیلیک بیلدیرگن لیگی نی ایسلتماقده. 

خبرده, چک جمهوریتی مدافعه وزیرلیگی اورینباسری جان هاورانیک نینگ, تورکیه نینگ اوچاق لرنینگ اوچیشی اوچون شرایط تامین ایتیب بیرگن لیگی نی بیلدیرگن لیگی معلوم قیلینماقده. 

صباح روزنامه سی, اوروپا بیرلیگی نینگ, آره سیده تورکیه نینگ هم موجود بولگن اوچ اولکه نینگ کووید 19 واکسینی سند لری نی تن آلیش گه قرار قیلگن لیگی نی یازماقده.

خبرده, اوروپا بیرلیگی کمیسیونی نینگ, تورکیه, شمالی مقدونیه و اوکراین نینگ کووید 19 واکسینی نی قبول قیلیش گه قرار قیلگن لیگی گه دقت قره تیلماقده. 

ستار روزنامه سی, آلمان باش وزیری آنگلا مرکل نینگ, کووید 19 واکسینی نی ایشلب چیقارگن تورک اصللی عالم لر پروفیسر داکتر اوغور شاهین و اوزلم توره جی نینگ اورتاق بولگن بایونتیک شرکتی نینگ تولید مرکزی نی کوریب چیققن لیگی نی معلوم قیلماقده. 

خبرده, "محصولات گه قره گنده دقت نی اوزی گه تارتمه یدی لیکن تاثیری جوده کتته" دییه قید ایتگن مرکل نینگ, توره جی و شاهین گه منتدارچیلیک بیلدیرگن لیگی ایسله تیلماقده.