تورکیه ملی مدافعه وزیری تلفن آرقه لی افغانستانلیک کسبداشی بیلن سوزله شدی

تورکیه جمهوریتی ملی مدافعه وزیری خلوصی آقر تلفن آرقه لی, افغانستان لیک کسبداشی بسم الله خان محمدی بیلن سوزله شدی. 

صحبتده, ایککی اولکه اورته سیده گی مناسبت لر, منطقه نینگ خوفسیزلیک وضعیتی و حامد کرزی خلق ارا هوا قونلغه سی بیلن علاقه لی فکر المه شیلدی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, آقر نینگ, تلفن آرقه لی محمدی بیلن سوزلشگن لیگی بیلدیریلدی.

ایککی اولکه اورته سیده گی مناسبت لر, منطقه نینگ خوفسیزلیک وضعیتی بیلن حامد کرزی خلق ارا هوا قونلغه سی توغریسیده فکر المه شیلگن لیگی بیلدیریلگن بیاناتده, آقر نینگ, تورکیه و افغانستان نینگ تاریخ دوامیده قیینچیلیک لر گه قرشی کوره ش بوییچه بیر یقه دن باش چیقارگن لیگی, تورکیه نینگ اوزاق مدتدن بیری افغان قرداش لری نینگ تینچ لیگی و رفاهی اوچون فعالیت آلیب باریاتگن لیگی, حرمتلی جمهوررئیسی میز نینگ هم ایتگن لیگی دیک تورکیه نینگ افغان خلقی نینگ طلب ایتیشی تقدیرده یان لریده بولیش گه دوام ایته دیگن لیگی و افغانستانده تینچلیک پروسه سی نینگ دوام ایتیشی نینگ مهم ایکن لیگی نی بیلدیرگن لیگی ایسله تیلدی.