تورکیه مطبوعاتیدن خلاصه لر 28.07.2021

ستار روزنامه سی, تورکیه جمهوریتی جمهوررئیسی رجب طیب ایردوغان نینگ, انگولا جمهوررئیسی ژوآو لوورنسو بیلن ترتیب له گن اورتاق مطبوعاتی کنفرانسیده بیرگن بیاناتیده, ایککی اولکه اورته سیده گی تجارت حجمی نینگ جوده آز ایکن لیگی نی بیلدیررایکن, "حاضرگی کونده تجارت حجمی میز 176 میلیون دالر.  بو جوده آز بیر رقم.  دستلب 500 میلیون دالر تجارت حجمی گه ایگه بولیش بوییچه کیلیشیب آلدیک" دییه قید ایتگن لیگی نی ایسلتماقده. 

ینی شفق روزنامه سی, جهان مطبوعاتی نینگ تورکیه نینگ قوراللی اوچووچیسیز اوچاق لری باره سیده بحث ایتیاتگن لیگی نی معلوم قیلماقده. 

خبرده, امریکا قوشمه ایالتلری نینگ فوربیس مجله سی نینگ اوچووچیسیز اوچاق لر بوییچه صادرات میزانی نینگ آرتیب کیتگن لیگی نی بیلدیرگن لیگی ایسله تیلماقده. 

روزنامه, اوشبو اوچاق لرنینگ ناتو اعضاسی و اوروپا اولکه لری تامانیدن ساتیب آلینیاتگن نی بیلدیرماقده. 

وطن روزنامه سی, تورکیه جمهوریتی وان ولایتی والیسی محمد امین بیلمز نینگ, مهاجر لرنینگ کوپ کیلیاتگن لیگی سببلی تورکیه-  ایران چیگره سی خوفسیزلیگی نینگ تامین ایتیلیشی  و ناقانونی اوتیش لر بیلن قاچاقچیلیک و ترورچی لرنینگ اوتیشی نینگ آلدی نینگ آلینیشی اوچون 295 کیلومترلیک چیگره گه دیوار اوریله دیگن لیگی نی بیلدیرگن لیگی نی یازماقده. 

حریت روزنامه سی, تورکیه نینگ غازی انتیب ولایتی نینگ سوریه چیگره سیده گی قارقمیش تومنیده گی انتیک شهرده 4 ییل آلدین اوستیده "کولگی" تصویری بولگن تونگ تاپیلگن لیگی نی معلوم قیلماقده. 

خبرده, 3 مینگ 700 ییل لیک اوشبو تونگ اوستیده گی کولگی تصویری نینگ دنیا نینگ ایلک تصویری دن عبارت ایکن لیگی بیلدیریلماقده. 

روزنامه, غازی انتیب آرکیولوژی موزیمیده نمایش ایتیلیاتگن اوشبو تونگ نی 1 آیده 10 مینگ کیشی نینگ کیلیب کورگن لیگی گه دقت قره تماقده. 

صباح روزنامه سی, جاری آی نینگ 17- و 25 کون لری آره سیده روسیه دن 200 مینگ 356, آلمان دن 76 مینگ 152, اوکراین دن 68 مینگ 663, پولند دن 28 مینگ 898 و قزاقستان دن 15 مینگ 917 توریست نینگ تورکیه نینگ انتالیا شهری گه کیلگن لیگی نی بیلدیرماقده.