تورکیه مطبوعاتیدن خلاصه لر 26.07.2021

صباح روزنامه سی, تورکیه جمهوریتی اطراف- محیط و شهرچیلیک وزیری مراد قوروم نینگ, ینگی له نه آله دیگن انرژی منبع لری جهتی دن تورکیه نینگ دنیا ده 12- و اوروپا ده ایسه 5- اوریننی ایگلله گن لیگی نی بیلدیرگن لیگی نی ایسلتماقده.

خبرده, تورکیه نینگ قوریلگن کوچی نینگ 52 فایزی نی ینگی له نه آله دیگن انرژی دن تامین ایتیاتگن لیگی نی بیلدیرگن قوروم نینگ, "گیلگوسی 10 ییلده 10 جیگاوات شمال و قویاش انرژی سی قولگه کیریتیش و ینگی له نه آله دیگن انرژی ظرفیتی میز نی آرتیریش اوچون فعالیت لری میز دوام ایتماقده" دییه قید ایتگن لیگی معلوم قیلینماقده. 

حریت روزنامه سی, تورکیه نینگ ایشلب چیقارگن کووید 19 واکسینی نینگ فاز 1 و فاز2 باسقیچ لری نینگ تکمیل بولگن لیگی نی معلوم قیلرایکن, حاضرگی کون گه قدر کونگیللی کیشی لرده هیچ قنده ی بیر جانبی تاثیر نینگ کورینمه گن لیگی نی بیلدیرماقده. 

خبرده, اوشبو واکسین نینگ جاری ییل نینگ سونگگی گه قدر استفاده گه تیار وضعیت گه کیتیریلیشی اوچون فعالیت لرنینگ دوام ایتیاتگن لیگی معلوم قیلینماقده. 

روزنامه, اوشبو واکسین نینگ کووید 19 نینگ باشقه شکل لری گه قرشی هم موثریتی بیلن علاقه لی تیکشیرو لرنینگ دوام ایتیاتگن لیگی گه دقت قره تماقده. 

ینی شفق روزنامه سی, روسیه, آلمان و فرانسه نینگ سیاحت چیکلاو لری نی بیکار قیلیشی بیلن بیر قطارده, 1- جولای کونیدن باشلب نورماللشیش پروسه سی و قربان هییت بیره می رخصتی سی سببلی, تورکیه ده توریزم ساحه سی بوییچه ایش لرنینگ جوده یخشی بولگن لیگی نی یازماقده. 

خبرده, 50 دن آرتیق اولکه دن تورکیه گه توریست کیلگن لیگی ایسله تیلماقده. 

ستار روزنامه سی, تورکیه نینگ تکنالوژی شرکتی سافتتیک تامانیدن ایشلب چیقاریله دیگن اوچه دیگن موتر نینگ دستلبکی تستی نینگ تکمیل بولگن لیگی نی معلوم قیلماقده. 

خبرده, بیر یولاوچی بیلن 80 کیلومتر, 2 یولاوچی بیلن ایسه 50 کیلومترلیک مسافه نی طی قیله آله دیگن اوشبو برقی اوچه دیگن موتر نینگ, میلادی 2025- ییلده استانبول آسمانیده اوچیشی نینگ ریجه له نیاتگن لیگی گه دقت قره تیلماقده. 

وطن روزنامه سی, 2020 توکیو المپیاد لریده B گروپی ده کوره شیاتگن A ملی عیال لر والیبال تیمی نینگ چین نی 3 گه صفر مغلوبیت گه اوچره تگن لیگی نی معلوم قیلماقده. 

خبرده, تورکیه جمهوریتی جمهوررئیسی رجب طیب ایردوغان نینگ, المپیاد قهرمان لری نی مغلوبیت گه اوچره تگن تورک عیال سپورتچی لرگه تبریک بیلدیرگن لیگی ایسله تیلماقده.