آذربایجان تورکیه گه تسلیت بیلدیردی

آذربایجان مدافعه وزیری ذاکر حسنوف, فرات قالقانی عملیاتی منطقه سیده ترورچی لر تامانیدن زرهی واسطه گه اویوشتیریلگن هجومده شهید بولگن عسکر لر اوچون تورکیه جمهوریتی ملی مدافعه وزیری خلوصی آقر بیلن تورکیه قوراللی کوچ لری قوماندانی سترجنرال یاشر گولر گه تسلیت پیامی یوباردی. 

حسنوف اوشبو پیامیده, "تروریزم گه قرشی کوره ش دایره سیده عملیات لر نینگ آلیب باریلیاتگن فرات قالقانی عملیاتی منطقه سیده قرداش تورکیه قوراللی کوچ لری گه قره ته اویوشتیریلگن خائنانه هجوم عاقبتیده شانلی تورک اردوسی عسکر لری نینگ شهید بولگن لیگی و یره لنگن لیگی بیزنی قیغوگه غرق قیلیب قویدی" دییه قید ایتدی. 

شهید عسکر لرگه الله دن رحمت طلب قیلگن حسنوف, یره لنگن عسکر لر گه عاجل شفا تیلب قالدی.