تورکیه دینگیز ساحه سیده ایچیده اونلب کیشی بولمیش کیمه باتیب کیتدی

تورکیه نینگ انتالیا ولایتی قاش تومنی 161 میل جنوب – غرب تامان دینگیز ساحه سیده ایچیده 45 نفر بولمیش کیمه باتیب کیتدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده بیلدیریلیشیچه توناون کونی کیچه کرپه آرالی نینگ 60 میل جنوبیده ایچیده باتماقده بولگن 45 نفرلیک کیمه نینگ خبرینی آلگن.

تیزده مذکور منطقه گه ایککی ته کتته عسکری کیمه ییتیب بارگن. بو کیمه لرنینگ ییتیب باریشی بیلن قیدیروو – قوتقروو باشله تیلگن لیگی بیلدیریلدی.

شونده ی بولیب اطرافده گی تجاری و ایریم کیمه لرگه قیدیروو – قوتقروو بیلدیرووی اعلان قیلنگن.

دینگیز کوچلری قومندانلیگی گه باغلیق 2 ته کیمه و دینگیز پوسته اوچاغی بیلن یمان دینگیز و هوا شرطلریگه بناً قیدیروو – قوتقروو فعالیتلریگه دوام ایتیلگن لیگی قید ایتیلدی.