تورکیه مطبوعاتیدن خلاصه لر 16.07.2021

ینی شفق روزنامه سی, فتح الله چی ترور تشکیلاتی (فتو) نینگ میلادی 2016- ییل 15- جولای کونی قیلگن قانلی کودتا تشبثی دن بیش ییل اوتگن لیگی نی معلوم قیلماقده.

خبرده, او کیچه, جمهوررئیس رجب طیب ایردوغان نینگ چقیریغی گه بناً میدان لر گه چیققن تورک ملتی نینگ کتته قهرمان لیک کورستگن لیگی ایسله تیلماقده. 

روزنامه, توناون تورکیه نینگ برچه منطقه لریده شهید لرنینگ ایسلنگن لیگی و همده کودتاچی لر گه قرشی قازانیلگن ظفر نینگ قیزغین کوتیب آلینگن لیگی نی بیلدیرماقده. 

حریت روزنامه سی, جمهوررئیس ایردوغان نینگ, 15- جولای دموکراسی و ملی بیرلیک کونی مناسبتی بیلن ملت گه قره ته معروضه قیلگن لیگی نی یازماقده. 

خبرده, ایردوغان نینگ معروضه سیده, "ملتی میز گه قرشی مخفی نیت لری بولگن شوم لر گه موفق بوله آلمه یسیز دیمیز.  اوتمیشده موفق بوله آلمه دی لر, بوگون یوتوقلی بوله آلمه دی لر, کیلگوسیده هم انشاءالله موفق بوله آلمه یدی لر. کتته و کوچلی تورکیه نینگ قوریلیشی نینگ آلدینی آله آلمه یدی لر" دییه قید ایتگن لیگی ایسله تیلماقده. 

وطن روزنامه سی, جمهوررئیس ایردوغان نینگ, جمهوررئیسلیک مجتمع سی قاشیده قوریلگن, فتو نینگ خائنانه کودتا تشبثی نینگ اوزی گه خاص سیس و تصویر لر بیلن توشینتیریلیب بیریله دیگن, 15- جولای دموکراسی موزیمی نی آچگن لیگی گه دقت قره تماقده. 

خبرده, جمهوررئیس ایردوغان بیلن عیالی امینه ایردوغان نینگ, موزیم ده کودتا تشبثی گه قرشی مقاومت قیلگن وطنداش لر نینگ دوچ کیلیب قالگن قیین چیلیک لر بیلن علاقه لی تصویر نی تماشا قیلرایکن, تولقین لنگن لیگی معلوم قیلینماقده. 

خبرتورک روزنامه سی, فتو نینگ میلادی 2016- ییل 15- جولای کونی ده گی خائنانه کودتا تشبثی گه قرشی بیرلیگی میز نینگ سمبولی بولگن صلاه سیس لری نینگ, 81 ولایتده گی 90 مینگ مسجد ده ینه بیر بار ینگره گن لیگی نی معلوم قیلماقده.

خبرده, کودتا تشبثی جریانیده ملتی میز نی بیرلشتیریب معنوی بیر کوچ تامین ایتگن اوشبو سیس نینگ, تورکیه وقتی بیلن ساعت 00:13 ده اولکه نینگ برچه مسجد لریده بیر وقت نینگ اوزیده ینگره گن لیگی گه دقت قره تیلماقده. 

ستار روزنامه سی, امریکا قوشمه ایالتلری نینگ نیویورک شهریده گی تایمز میدانی ده جوده هم کتته بیر اسکرین آرقه لی, 15- جولای دموکراسی و ملی بیرلیک کونی مناسبتی بیلن فتو نینگ کودتا تشبثی گه قرشی تورک ملتی نینگ کوره شی نینگ تصویر لر بیلن توشینتیریلیب بیریلگن لیگی نی بیلدیرماقده.

خبرده, میدان ده گی کتته دیجیتال اسکرین ده "دموکراسی نینگ ظفری" و "تورکیه نی یینگیش ممکن ایمس" شکلیده پیام بیریلگن لیگی ایسله تیلماقده.