تورکیه مطبوعاتیدن خلاصه لر 13.07.2021

صباح روزنامه سی, تورکیه جمهوریتی جمهوررئیسی رجب طیب ایردوغان نینگ کابینه ییغیلیشی آرتیدن بیرگن بیاناتیده, "میلادی 2021- ییلده کیریته دیگن موفقیت لری میز بیلن دنیا نینگ کوچی آرتیب باریاتگن اقتصادی ایکن لیگی میز نی اثباتلب بیره میز.  کتته و کوچلی تورکیه مفکوره سی بیلن اقتصادی کوچی میز نی هم آرتیریش مقصدی ده آلغه کیتماقده میز.  ایندی تورکیه سیاسی و اقتصادی جهتدن دنیا نینگ اینگ مهم اولکه لری قطاریده اورین آلیش اوچون قدم تشله ماقده" دییه قید ایتگن لیگی نی یازماقده. 

ستار روزنامه سی, اوروپا بیرلیگی بیلن غربی بالکان لر و تورکیه اورته سیده گی اقتصادی و مالی دیالوگ ییغیلیشیده مالی سیاست لرده کوچلی همکارلیک پیامی بیریلگن لیگی نی بیلدیرماقده. 

خبرده, اوروپا بیرلیگی کینگشی تامانیدن ترقه تیلگن اختتامیه پیامیده, ییغیلیش نینگ غربی بالکان لر و تورکیه نی اوروپا بیرلیگی اعضالیگی گه تیارلش مقصدی گه ایگه ایکن لیگی معلوم قیلینماقده. 

ینی شفق روزنامه سی, دنیا نینگ اعتبارلی مدافعه صنایع سی لستی اوله راق قبول قیلینگن " Defense News Top 100" لستی گه جاری ییلده 2 تورک شرکتی نینگ هم کیریتیلگن لیگی نی یازماقده.

خبرده, اوشبو لستده آسلسان نینگ 48- و تورک هواچیلیک و فضا صنایع شرکتی نینگ ایسه 68- اوریننی ایگلله گن لیگی گه دقت قره تیلماقده. 

خبرتورک روزنامه سی, دنیا نینگ مهم توریزم مرکز لری دن بیری بولگن تورکیه نینگ آنتالیا شهری نینگ سونگگی ایککی هفته ده 307 مینگ 418 روس توریست نی کوتیب آلگن لیگی نی بیلدیرماقده. 

حریت روزنامه سی, اوتگن ییل نینگ خوددی شوو دوری بیلن سالیشتیریلگنده تورکیه ده جاری ییل نینگ دستلبکی آلتی آییده چیت ایللیک لر گه ساتیلگن اوی سانی نینگ 44 فایز گه آشیب 20 مینگ 488 گه ییتگن لیگی نی معلوم قیلماقده. 

خبرده, اوشبو رقم نینگ حاضرگی کون گه قدر بولگن اینگ یوقاری جنوری- جون آی لری رقمی دن عبارت ایکن لیگی بیلدیریلماقده.