ایردوغان خاتین - قیزلرگه خشونت گه قرشی کوره ش بوییچه بیانات بیردی

جمهور باشلیغی رجب طیب ایردوغان

"بیزنینگ خاتین – قیزلرگه خشونت گه قرشی کوره شیمیز استانبول کیلیشووی بیلن باشله مه دی و بو کیلیشوودن چیقیش بیلن بیتمه یدی" دیدی.

ایردوغان پایتخت انقره ده "خاتین – قیزلرگه خشونت گه قرشی کوره ش 4- ملی حرکت پلانی تنیتوو جلسه سیگه قتنشدی.

ایردوغان جنابلری؛

"توناون کونی خاتین – قیزلرگه خشونت، خاتین – قیزلرنینگ انسان اوله راق حقلریدن ایش آلیشلری توغریسیده قنداغ کوره ش آلیب باراتگن بولسک بوگون هم ایرته گه هم کوره شگه دوام ایته میز" دیب گپیردی.

جمهور باشلیغی ایردوغان خایتن – قیزگه خشونت نینگ صمیمیت و طرفسیز بیر شکلده تیلگه آلینیشی کیره ک لیگینی معلوم قیلگن حالده شولرنی ایتدی:

"ینگی حرکت پلانیمیز بیلن کوره ش نی بوندن کوچلیراق قیله میز. اوزگرگن شرطلر و یوزه گه چیققن احتیاجلر دایره سیده تورلی قانونی و اداری تدبیرلرنی آلیش گه دوام ایته میز" دیب افاده ایتدی.

ایردوغان شحبتینی شونقه دوام ایتتیردی:

" خاتین – قیزلرگه خشونت گه قرشی کوره ش 4- ملی حرکت پلانی نینگ ایلک هدفینی خشونت گه قرشی کوره ش لایحه سینی تیکشیریب چیقیش و کیسکین عملی قیلینیشی دیب تعیین قیلدیک.

بو حرکت پلانیمیزنینگ اصل مقصدی همجمعیت نینگ خاتین – قیزگه خشونت موضوعی گه یانداشوویگه اوزگریش کیلتیریش و بو کوره ش گه علاقه کورسه تیشلرینی کوپه یتیریش بولگن دیر".