ایردوغان بیلن بایدن نینگ اوچره شووی آلدی آق اوی سوزچیسی بیانات بیردی

تورکیه جمهوریتی دولت باشلیغی رجب طیب ایردوغان بیلن امریکا قوشمه ایالتلری دولت باشلیغی جو بایدن نینگ اوچره شووی توغریسیده ایککی تاماندن هم بعضی بیر بیاناتلر بیریلماقده.

آق اوی سوزچیسی جن پساکی "بیرگه لیکده فعالیت قیله دیگن ساحه لر هم بار فکر فرقلی لیگی بولگن ساحه لر هم بار" دیدی.

جن پساکی بایدن واشنگتندن انگلستان گه سفری چاغیده اوچاقده گی ژورنالیستلرنینگ سواللریگه جواب قیتردی.

پساکی امریکا قوشمه ایالتلری نینگ ایردوغان – بایدن اوچره شوویدن کوتگنلری حقیده گی سوال گه شونقه جواب بیردی.

"صمیمی شکلده بیرگه لیکده فعالیت قیلیش گه سزاوار ساحه لر هم بار فکر فرقلی لیگی بولگن ساحه لر هم بار" دیدی.

پساکی، جو بایدن نینگ دستلبکی چیت ایل سفری پروگرامیده تورکیه جمهور باشلیغی ایردوغان بیلن اوچره شیش نی بیرینچی اورینده آلگن لیگینی معلوم قیلیب 14 جونده گی (بلجیم نینگ پایتختی بروکسل ده گی ناتو جلسه سیده) اوچره شوونینگ یوزمه یوز روشده دیپلوماسی اوچون بیر فرصت بوله جگینی اورغوله دی.

ژورنالیستلر "سوریه گه اوخشش بعضی بیر خاص باشلیقلر هم کیریتیش ممکن می؟" دیب سوال قیلدی.

پساکی "البته ایککی رهبر منطقوی خوفسیزلیک موضوعلرینی، ینگی تور کروناویروس (کوید-19) و اقتصادی قاله ویرسه گلوبال همجمعیت گه تاثیر قالدیرگن مسئله لرنی تیلگه آله دیلر. اوز ارا اوچره شوو یقین بولگونچه آرتیقچه معلومات بیره میز" دیدی.