تورکیه کابلده اویوشتیریلگن هجوم نی قتتیق قاره له دی
اوشبو توغریده تورکیه جمهوریتی تشقی ایشلر وزیرلیگی تامانیدن یازمه بیانات بیریلدی
تورکیه, افغانستان پایتختی کابلده مکتب آلدیده بمب جایلشتیریلگن موتر دن فایده له نیب اویوشتیریلگن تروریستیک هجوم نی قتتیق قاره لب چیقدی.
تورکیه جمهوریتی تشقی ایشلر وزیرلیگی تامانیدن اوشبو توغریده یازمه بیانات بیریلدی.
بیاناتده, افسوس که دشت برچی منطقه سیده بیر مکتب آلدیده افطار وقتیده بمب یوکلنگن موتر دن فایده له نیب اویوشتیریلگن تروریستیک هجوم عاقبتیده آره سیده اوقووچی لرنینگ هم موجود بولگن کمیده 30 نفر عادی اهالی نینگ حیاتینی یوقاتگن لیگی و 50 دن آرتیق کیشی نینگ ایسه یره لنگن لیگی نینگ ایشیتیلگن لیگی بیلدیریلدی.
عینی دمده بیاناتده, "مبارک قدر کیچه سیده اویوشتیریلگن اوشبو منفور تروریستیک هجوم نی قتتیق قاره لب و فاعل لری نی لعنتلرایکن, اولرنینگ قیلمیش لری اوچون جزالنتیریلیش لرینی آرزو قیلیب قاله میز" دییه قید ایتیلدی.
منفور هجوم عاقبتیده حیاتینی یوقاتگن لرگه الله تعالی دن رحمت و یره لنگن لر گه ایسه عاجل شفا طلب قیلینگن بیاناتده, تورکیه تامانیدن دوست و قرداش افغانستان خلقی و حکومتی گه چقور تسلیت بیلدیریلدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی